मरकुस 9:17 - पुना गच्छरना NT (BSI)

¹⁷ गोंहड़ा ती ओर्तोस बाचस, “अना गुरु! ऎन एंग्‍दासिन निंग्‍है गुसन ओन्‍द्रकन का आसिन नीन कोड़े नना ओंगोय। आस म‍इय्‍याँ ओन्‍टा मलदौ बॊलता समसार'ई। आद आसिन कछनख्र'आ मल चि'ई।

मरकुस 9:17 ပူးပေါင်းရင်းမြစ်များ

मत्तायोस 12:22

तहाँ आलर ओन्‍टा अन्धहा अरा कोंदासिन, नॆ नाद ती धरताचका रहचस, आसिन आसी हेद्दे ओन्‍द्रर, अरा येसुस आसिन कोड़े नंजस, अरा आस ऎरा आरा कछनख्र'आ हेलरस।

मत्तायोस 17:15

अरा ब'आ हेलरस, “अना उर्बायो, एंग्‍दस मइय्याँ सोग्‍गे ऎरा। एन्‍देरगेका आस गे मिर्गी बर'ई अरा आस नगदे दुक्‍खे चॊद्दस, अरा घड़ी घड़ी चिच्‍ची नू अरा घड़ी घड़ी अम्मु नू खत्तरदस कादस

मत्तायोस 9:32

आर बहरी उरखम लगियर ख़ने, जोक्‍क आलर नाद रस्‍सका ओर्त कोन्‍दा आलासिन येसुसी गुसन ओन्‍द्रर।

मरकुस 10:13

उन्‍दुल जोक्‍क आलर ख़द्दारिन येसुस गुसन ओन्‍द्रर का आस ख़द्दर ही म‍इय्‍याँ तंग्‍है ख़ेक्खा उइय्यरकी आसीस ननोस। लिकिन चेलर येसुसिन अम्‍बोर थोकबोकामब'आ ब'अरकी आरिन केप्‍पर।

मरकुस 5:23

अरा गोहर'अरकी आसिन बाचस, “सन्नी एंग्‍दा खे'आ बेद्दाली, नीन बर'अरकी अदही म‍इय्‍याँ ख़ेक्खा उइय्‍या अरा कोड़े नना, होले आद मल खे'ओ।”

मरकुस 7:26

आद सीरिया जिला ही फिनिकिया नगरे ता युनानी आली रहचा। आद येसुस गुसन तंग्‍दा ती नाद आबोन ओथ्र'आ गे गोहरार'आ।

मरकुस 9:16

आस अबड़ा चेलारिन मेंजस, “नीम ईर गने एन्‍देर आनानखर'आ लगदर?”

मरकुस 9:18

आद आसिन इकल‍अम धर'ई, होले आद असानिम ख़ॆख़ेल नू पखिड़'ई, अरा आस ब‍ई ती बोट्टो ओथ्रदस, अरा पल्‍लन चब्र'अरकी टनटनरदस। ऎन निंग्‍है चेलारिन ई मलदौ बॊलतन ओथ्र'आ गे बाचकन, लिकिन आर ओथ्र'आ गे पोल्‍लर।”

मरकुस 9:25

गोंहड़ा ही असन बोंग ख़ॊंड़रनन येसुस ईरियस। ख़ने आस एन्ने बाचस ती मलदौ बॊलतन खखवाचस, “अनय कुन्‍दी अरा बैरी ननू बॊलता ऎन निंगन पॆसदन, ईसी म‍इय्याँ ती उरखय बरय, अरा इकला हूँ ईसी म‍इय्‍याँ अमके कोर'आ।”

लू‍कस 11:14

ओंग्‍होन येसुस ओन्टा कोन्‍दा नादन ओथ्रस। नाद उरखा ख़ने कोन्‍दा आलस कछनख्र'आ हेलरस। ख़ने आलर अकबक मंजर।

लू‍कस 9:38

अरा गोंहड़ा ती ओर्तोस चिच्चि‍यारस ती बाचस, “अना गुरु, ऎन निंगन गोहरारदन का एंग्‍है ख़द्दासिन सोग्‍गे ऎरा, ईस एंग्‍हा ओन्‍टे लेका ख़द्दस र'अदस।

यॊहनस 4:47

येसुस यूदेया ती गलिलेया बरचकादस एन्ने आस मेंजस ख़ने, आसी गुसन केरस ती गोहरारस का नीन बर'अरकी एंग्‍दासिन कोड़े नना, आस खे'आ बिद्दियस।