मरकुस 9:12 - पुना गच्छरना NT (BSI)

^12-13 येसुस आरिन बाचस, “ईद मानिम का एलियस मुन्‍द बर'ओस ती एंगन परिघ'आ गे आलारिन सपड़'ओस। एलियस बरचकादस, धर्मेसी कत्‍था तिंगुर आसी पत्त नू तिं‍का लेक्‍खा नम्‍है मुद्ध आलर आसिन एकासे नना बिद्दियर अन्ने आसिन सताबाचर। लिकिन सो‍च'आ का मनवा ख़द्दन एंगा पत्त नू धर्मेसी कत्‍था तिंगुर एन्‍देर लिखचर। ऎन नगदे दुक्‍खे चॊद'ओन अरा आलर एंगन दुस'ओर।”

मरकुस 9:12 ပူးပေါင်းရင်းမြစ်များ

मत्तायोस 16:21

आ बेडा ती येसुस तंग्‍है चेलारिन तेंगा हेलरस का “एंगा गे येरुसलॆम काना दिम मनो, अइय्या यहूदी सेयान आलर अरा मुध नैगर अरा नॆग सिखाब'उर ती अजम खिलपत मन्ना मनो अरा पिटतार'ओन, लिकिन ऎन तीन उल्‍ला ख़ॊख़ा उज्‍जा चॊर'ओन।”

मत्तायोस 26:24

धर्मेसी कत्‍था तिंगुर नेम्हा पुथी नू एंग्‍है पत्त नू एन्‍देर लिखचकानर अन्नेम मनवा ख़द्दन ऎन खे'ओन दने। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो। आस मल कुन्‍द्रका होले, आस गे दौ रहचा।”

मरकुस 10:33

“ऎरा, नाम येरुसलॆम कालालदत। मनवा ख़द्दन ऎन असन मुध नैगर अरा नॆग सिखाब'उर ती हॆंर'ओन। अरा आर एंगन बदी ननोर अरा एंगन पिटा बेद्दोर अरा नॆ यहूदी मलनर आर ही ख़ेक्खा नू चि'ओर।

मरकुस 9:31

एन्‍देरगेका ई बेड़ा नू आस तंग्‍है चेलारिन ओन्‍टा मुदे कत्‍थन सिखाब'आलियस। आस आरिन ब'आलियस, “उन्‍दुल जोक्‍क आलर मनवा ख़द्दन एंगन नन्ना आलर ही आकुस नू चि'ओर, अरा आर एंगन पिटोर। लिकिन उल मुन्‍द नू ऎन केचका ती उज्‍जा चो'ओन।”

लू‍कस 1:76

अना एंग्‍है ख़द्दायो, नीन उर्मी ती कोहाँ धर्मेसी कत्‍था तिंगू आल बार'ओय, एन्‍देरगेका नीन उर्बासी डहरेन सपड़'आ गे आसी मुन्‍द ऎ‍कोय।

लू‍कस 23:11

ख़ने हॆरॊदॆस तंग्‍है सैनर गने येसुसिन ख़ाँड़चस, लज्‍जे मॊख़ताचस अरा बॆलस लेक्‍खा बिलचना किचरिन अत्ताचस अरा येसुसिन पिलातुस गुसन किर्ताचस।

लू‍कस 23:39

क्रुस नू ठोकचका मलदौ आलर ती ओर्तोस येसुसिन निंदा नंजस दरा बाचस, “नीन मसी मलदय का? अन्ने होले निंगन अरा एमन हूँ नाड़ा।”

त‍इरकर 1:6

एकाबारी त‍इरकर ख़ॊंड़रर ख़ने येसुसिन मेंजर, “अना उर्बायो, नीन अक्‍कुनिम इस्राऎल आलर गे राजिन किर्त'ओय चि'ओय का?”

त‍इरकर 4:11

ईद आ पखना हवे इदिन नीम मिस्‍त्री आलर तरकूटी नंजकाचकर, अरा आद दिम कोड़ा ही बड़ियर पखना मंजा केरा।