मरकुस 8:6 - पुना गच्छरना NT (BSI)

⁶ ख़ने आस गोंहड़ा आबोन ख़ॆख़ेल नू ओक्‍का गे आनियस। अरा आस सात असमन होच्‍चस, अरा धर्मेसिन धन्‍यवाद ननरकी अदन किच्‍चियस। फिन आस गोंहड़ा गे चि'आ गे अबड़न तंग्‍है चेलर गुसन चिच्‍चस। अरा चेलर अदन गोंहड़ा गे ख़ट्टियर।

मरकुस 8:6 ပူးပေါင်းရင်းမြစ်များ

मत्तायोस 26:26

आर मॊख़ालियर ख़ने, येसुस असमन होच्‍चस ती धर्मेस गे धन्‍यवाद नं‍जस। फिन अदिन किच्‍चियस, अरा चेलर गे चिच्‍चस अरा बाचस, “ओंदा, मॊख़ा, ई असमा एंग्‍है मॆद हवे।”

मरकुस 8:20

“अरा एकाबारी चार हजार आलर गे सात गोटंग असमा ती ओन्‍ताचकन, ख़ने नीम असमा ही एंगरका टुटकन पेत्तकर ती एवन्‍दा ड‍उड़ा नू निन्‍दकर?” आर आसिन बाचर, “सात ड‍उड़ा”

मरकुस 8:5

ख़ने येसुस आरिन मेंजस, “निम्‍है गुसन ऎ बग्‍गे असमा र'ई?” आर बाचर, “सात गोटंग र'ई।”

मरकुस 8:7

आर गुसन जुक्‍किम सन्नी इंजो हूँ रहचा। आस धर्मेसिन बिन्‍ती ननरकी अदन गोंहड़ा नू ख़ट्टा गे चेलर गे चिच्‍चस।

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

लू‍कस 24:30

एकाबारी आस आर गने मंडी ओना उक्‍कियस, ख़ने असमन होच्‍चस ती आसीस नंजस अरा अदिन किच्‍चियस ती आर गे चिच्‍चस।

यॊहनस 2:5

आसी तंग्‍यो जॊंख़ारिन बाचा, “आस निमन एन्‍देर नना आनोस, अदिन ननके।”

यॊहनस 6:23

फेन तिबेरया ती जोक्को डोंगा गुट्ठी, उर्बस धन्‍यवाद नंजस ती असमन आलर गे ख़ट्टका अड्डा हेद्दे बरचकी रहचा।

रोमी 14:6

एका ओर्तस एका उल्‍लन नन्ना उल्‍ला ती बॆस मनदस आस उर्बस गे मनदस। अरा एका ओर्तस उर्मी ओन्ना-मॊख़नन ओन्दस मॊख़दस आस उर्बस गे इदिन नन्‍दस, एन्‍देरगेका आस धर्मेसी धन्‍यवाद नन्दस। अरा एकास मल ओन्दस मॊख़दस आस उर्बस गे इदिन नन्‍दस। अरा आस धर्मेसी धन्‍यवाद नन्‍दस।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।