मरकुस 8:34 - पुना गच्छरना NT (BSI)

³⁴ फिन आस गोंहड़ा गने चेलारिन हेद्दे मीख़ियस अरा बाचस, “नीक‍ईम एंग्‍है चेला मना बेद्दोस होले, आस गे तान तंग्‍है नना बेद्दना लेका अम्‍बोर नना अरा तंग्‍है क्रुस आबोन चेड़'अरकी एंग्‍है गने चॊंख़्रना र'ई।

मरकुस 8:34 ပူးပေါင်းရင်းမြစ်များ

मत्तायोस 10:38

अरा एकअम ओर्तस तंग्‍है क्रुसन चेड़'अरकी एंग्हा चड्डे सस्‍ती सार'आ गे मने मल नन्‍दस आस एंग्‍है मना गे जॊगे मल्‍दस।

मत्तायोस 16:24

फिन येसुस तंग्‍है चेलारिन बाचस, “नीक‍ईम एंग्‍है चेला मना बेद्ददर होले, आर गे ताम तम्‍है नना बेद्दना लेका अम्‍बोर नना, ऊजी नू तम्‍है क्रुस आबोन चेड़'अरकी एंग्‍है गने चॊंख़्रना र'ई।

मत्तायोस 27:32

फिन सैनर येसुस गने नगरे ती बहरी काला लगियर ख़ने, आर सिमॊन नामे ओन्‍टा कुरॆनॆ नगरे ता आलासिन येसुसी क्रुस आबोन चेड़'आ गे बिट्ठी नू धरचर।

मरकुस 10:21

येसुस आसिन नगदे चोन्‍हा नंजस अरा आसिन ऎररकी बाचस, “नीन अक्‍कुन गूटी ओन्‍टा कत्‍थन मल नंजकादय, कला, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

मरकुस 7:14

ख़ने येसुस गोंहड़ा आबोन तंग्‍है गुसन मीख़ियस अरा बाचस, “नीम ओर्मर एंग्‍है कत्‍थन मेना ती बुझुर'आ। ऎन ओन्‍टा जोक्‍खा ख़ीरी तेंगोन।

लू‍कस 13:24

“हाँ, औंगे सकुड़ बली ती मेर्ख़ा कोर'आ गे चिहुट नना, ऎन निमन ब'अदन, बग्‍गे आलर गा कोर'आ बेद्दोर, लिकिन कोर'आ पोल्‍लोर।

लू‍कस 14:33

एन्नेम निमा हूँ एंग्‍है चेला मना गे उर्मीन मुरछ'आ गे सपड़'अना र'ई।

लू‍कस 18:22

इदन मेंजस ती येसुस आसिन बाचस, “अन्नु हूँ नीन अक्‍कुन गूटी ओन्‍टा कत्‍थन मल नंजकादय, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

लू‍कस 20:45

उर्मी आलर मेना लगियर ख़ने येसुस तंग्‍है चेलारिन बाचस,

लू‍कस 9:23

फिन आस ओर्मारिन बाचस, “नीकईम एंग्‍है ख़ॊख़ा चॊंख़्र'आ बेद्दोस होले, आस गे तान तंग्‍‍है नना बेद्दना लेका अम्‍बोर नना अरा उर्मी उल्‍ला तंग्‍है मने ती खिलपत सहना अरा क्रुस नू खे'अना ती एंग्‍है गने चॊंख़्रना र'ई।

यॊहनस 10:27

एंग्‍है भेंडो एंग्‍है सड़न मिनी। ऎन अबड़न अख़दन, अरा अबड़ा एंग्‍है गने गुड़ियार'ई।

यॊहनस 19:17

अरा येसुस तंग्‍है क्रुसन तानिम चेड्डस ती “खपरोही अड्डा” बारना अड्डा केरस। अदिन इब्रानी भखा नू “गोलगोता” ब'अनर।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

रोमी 6:6

नाम अख़दत का नम्‍है पच्चा आल सुबहा मसीस गने क्रुस नू केच्‍चा। ख़ने नम्‍है पाप सुबहा नम्‍है म‍इय्याँ राजी पुल्‍ली नना अरा नाम इकला हूँ पाप ही जॊंख़ मल मनोत।

रोमी 8:17

अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

1 कोरिन्‍थ 15:31

अना भईरो! नम्‍है उर्बा मसी येसुस नू निम्‍है पत्त नू र'ई आ एंग्‍है फुलई ती ऎन किरया मॊख़दन ती ब'अदन का ऎन उर्मी उल्‍ला खे'अदन।

1 कोरिन्‍थ 8:13

औंगे ऎन एन्‍द्रन ओन्‍दन-मॊख़दन, आद एंग्‍है पत्त'ऊ भ‍ईसिन पाप नन्‍त'आ गे ननी होले, ऎन एंग्‍है पत्त'ऊ भ‍ईसिन पाप नू मल खत्रत'आ गे अहड़ा कभो मल मॊख़ोन।

1 कोरिन्‍थ 9:19

ऎन छछिन्‍द र'अदन, नॆखा हूँ एंग्हा म‍इय्याँ अदिया मलकी। अन्नु हूँ ऎन ओर्मर ही बिट्ठी ननू जॊंख़ मंजकन का बग्‍गे आलारिन मसीस नू ओन्‍द्र'ओन।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

गलातिया 5:24

अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्‍चि‍कानर।

गलातिया 6:14

ऎन गा नम्‍है येसु मसीसी क्रुस आबोन अम्‍बरकी नन्‍ना एकअम कत्‍था नू फुल‍ई मल मन्दन नेक‍अन। मसीसी ई क्रुस ही चड्डे एंगा ख़ॆख़ेल ता मया मॊख़ क्रुस नू ठोकरकी र'ई, अरा ऎन हूँ ई ख़ॆख़ेल ता मया मॊख़ा गे क्रुस नू ठोकरकन।

फिलिप्‍पी 3:10

अरा ऎन मसीसिन अख़'आ गे, अरा आसी उज्‍जा चो'अना ही सवंगन अख़'आ गे बॆद्दन। अरा आस गने दुक्‍खे गुट्ठिन चॊदना नू बटा मना गे, अरा आसी लेक्खा खे'आ गे बेद्ददन।

फिलिप्‍पी 3:7

लिकिन एका एका कत्‍था एंग्‍है फैदा गे रहचा, अबड़न अक्कु ऎन मसीसी र'अना चड्डे फैदा मल चि'ऊ अक्‍कन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

2 थेस्‍सलोनिकॆयर 3:11

निम्‍है मझी नू जोक्‍क आलर लंडी र'अनर‍ अन्ने मेंजकम। आर एकअम बेसे नलख मल नन्‍नर, लिकिन नन्नर ही नलख नू नूतनर अरा अनभनियाँ नलख नू मेस्रकानर।

तीतुस 2:12

अरा नमन तिगाब'ई का नमा बिगर महबा उज्‍जना अरा पाप नन्ना ही चिबाख़ारना गुट्ठी ती जियन किर्त'अना मनो। अरा नाम बगड़ारका ई परिया नू नॆत नॆग अरा मानिम नन्ना ती महबा नू उज्‍जना र'ई।

इब्रानी 13:13

औंगे आसी चॊदका हींड़रनन नाम हूँ चॊद'अरकी बखड़े ही बहरी आस गुसन क'ओत।

1 पतरस 4:1

औंगे मसीस नम्है पाप गुट्ठी गे तंग्है कया नू दुक्खे चॊदना ती नीम हूँ ई लेक्खम तम्है कया नू दुक्खे चॊद्दर एन्ने ई सोच आबोन कमहड़ लेक्खा अत्तका ती र'आ। एन्देरगेका एकास कया ती दुक्खे सारस आस पाप ही सवंग ती बच्छरका र'अदस।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 यॊहन 3:16

मसीस तंग्है जियन नमा गे चिच्का ती नाम इदन अख़दत का चोन्हा एन्द्रा र'ई। औंगे नाम हूँ नम्है संगे मसी भईर गे नम्है जियन चि'अना र'ई।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।