32 आस चेलारिन ई कत्थन डिढ लगे तिंगियस। ख़ने पतरस आसिन तरकूटी हो'अरकी कड़का हेलरस।
ख़ने पतरस आसिन तरकूटी हो'अरकी कड़का हेलरस अरा बाचस, “उर्बायो, अम्बो मना का इकल'अम निंग्हा गने एन्ने मनो।”
येसुस डोंगा नू ख़ॊख़ा तरा तक्किया नू कुक्कु नंजस ती ख़न्द्र'आ लगियस। ख़ने चेलर आसिन एज्जर ती बाचर, “हे गुरु! निंगा इदही फिकिर मल्ला का, नाम मुल्ख़ा खे'आ बेद्दालगदत?”
लिकिन मारथा नगदे तेतर-सुसर नन्ना नू हिलरिकीचा। अरा आद आसी गुसन बरचा ती बाचा, “अना उर्बायो, एन्देर नीन मल ऎरदय का इंग्ड़ी एंगन ओर्ते लेका सुसर'आ गे अम्बिया चिच्चा? अदिन एंगन संगरा गे आना।”
तहाँ यहूदीर आसी ओनबेंड़र'आ ख़ॊंड़रर ती मेंजर, “नीन ऎ उल्ला गूटी एमन ओदहा नू उइय्योय? नीन मसी हिकदय होले, एमन फरी तेंगा चि'आ।”
औंगे येसुस आरिन फरीफरी तिंगियस का “लाजरस केच्चस केरस।
ऎन निमन इबड़ा कत्थन ख़ीरी गुट्ठी ती कछनख्रकादन। लिकिन बेड़ा बर'आ लगी, आ बारी ऎन ख़ीरी गुट्ठी ती मल कछनख्र'ओन। लिकिन ऎन निमन बंगासी पत्त नू फरीफरी तेंगोन।
तहाँ येसुसी चेलर आसिन बाचर, “अक्कुन गा नीन फरीफरी कछनख्रदय, ख़ीरी गुट्ठी ती मल कछनख्रदय।
येसुस आनाकिर्ताचस, “ऎन एन्देर सिखाबाचकन अदन ओर्मर अख़नर। ऎन उर्मी यहूदीर ख़ॊंड़रना गोड़हा एड़पा गुट्ठी नू अरा येरुसलॆम मन्दिर नू घड़ी घड़ी सिखाबाचकादन, अरा नुड़'अरकी एन्द्रन हूँ मल बाचकन।