मरकुस 8:31 - पुना गच्छरना NT (BSI)

³¹ ख़ने येसुस चेलारिन तेंगा हेलरस का “चाड़ र'ई मनवा ख़द्दन एंगा गे अजम खिलपत मन्ना मनो, अरा यहूदी सेयान आलर अरा मुध नैगर अरा नॆग सिखाब'उर एंगन दुस'ओर अरा पिटोर। लिकिन ऎन तीन उल्‍ला ख़ॊख़ा उज्‍जा चॊर'ओन।”

मरकुस 8:31 ပူးပေါင်းရင်းမြစ်များ

मत्तायोस 12:40

यॊनास एकासे तीन उल्‍ला माख़ा कोहाँ इंजो ही कूल नू रहचस, अन्नेम मनवा ख़द्दन ऎन तीन उल्‍ला माख़ा ख़ॆख़ेल भितरी र'ओन।

मत्तायोस 21:42

येसुस आरिन बाचस, “नीम नेम्हा पुथी नू इदन मल्‍ला पढ़चका का? ‘एका पखना आबोन राजमिस्‍त्रीर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा। उर्बस इदन नंजस, अरा नम्‍है ऎरना नू ईद अकबक र'ई।’

मत्तायोस 27:63

“अना बॆलायो, एमा सुरता र'ई का आ भुरइउस उज्‍जालियस ख़ने, बाचकाचस, ‘ऎन तीन उल्‍ला ख़ॊख़ा उज्‍जा चो'ओन।’

मरकुस 12:10

नीम नेम्हा पुथी नू मल्‍ला पढ़चका का? ‘एका पखनन राजमिस्‍त्रीर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा।

लू‍कस 17:25

लिकिन अदहीन्‍ती मुन्‍द मनवा ख़द्दन एंगा गे बग्‍गे खिलपत चॊदना मनो अरा ई परिया ता आलर ती ऎन हींड़र'ओन।

लू‍कस 24:26

एन्‍देर ईद चाड़ मल रहचा का मसीस गे एन्ने इबड़ा खिलपतन चॊद'अरकी तंग्‍है महबा नू कोर'ओस?”

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

यॊहनस 12:48

नॆ एंगन ख़ाँड़ना ती एंग्‍है कत्‍था गुट्ठिन मल इंझ्रदस, आस गे ओन्टा नेंव‍ई ननुस र'अस। ऎन बाचका ई कत्‍था दिम छेद्दे उल्‍ला नू आसिन नेंव‍ई ननो।

यॊहनस 2:19

येसुस आनाकिर्ताचस, “ई धर्मेसी मन्दिर आबोन धंस'आ चि'आ, ऎन इदन तीन उल्‍ला नू कम'ओन चि'ओन।”

त‍इरकर 7:35

एका मूसासिन आर ‘नॆ निंगन एम्‍है म‍इय्याँ आकुस ननू अरा नेंव‍ई ननू कमचा?’ बाचर ती मल इंझ्रकाचर। आसिनिम धर्मेस आकुस ननू अरा बछाब'ऊ कमचस ती लघरना ख़ोप्‍पा नू ऎथ्रका रहचस आ मेर्ख़ा पैकस ती आसिन त‍इय्यस।

1 कोरिन्‍थ 15:4

अरा आस मसड़ा नू उइतारस। अरा नेम्‍हा पुथी नू लिख्रका लेक्‍खा तिसर उल्‍ला उज्‍जा चॊचस।