मरकुस 8:26 - पुना गच्छरना NT (BSI)

²⁶ “नीन पद्दा नू अमके कोर'आ मुन्‍द निंग्‍है एड़पा कला,” अन्ने बाचस ती येसुस आसिन एड़पा त‍इय्यस।

मरकुस 8:26 ပူးပေါင်းရင်းမြစ်များ

मत्तायोस 12:16

अरा आरिन चेताबाचस का तान नॆ हिकदस अदिन अम्‍बोर तेंगा।

मत्तायोस 8:4

ख़ने येसुस आसिन बाचस, “निंग्‍है कोड़े मंजका ही पत्त नू नॆखा गुसन हूँ एन्‍द्रा हूँ अमके तेंगा। लिकिन कालरकी निंगन नैगासिन ऎद'आ। होले आस अख़'ओस का नीन सफा मंजकय। अरा खसरा रोगियर सफा मन्‍नर ख़ने एन्‍देर दाँड़े अरगना मनी अदिन मूसस आनियस, अदिन नीन सफा मना गे नैगस गुसन चि'आ। होले आस अदिन धर्मेस गे दाँड़े अरगोस, फिन आलारिन तेंगोस का नीन सफा मंजकय।”

मत्तायोस 9:30

तहाँ आर ही ख़न्न चलख़रा केरा अरा आर ऎरा उंग्‍गियर। अरा येसुस आरिन बर्जाचस ती बाचस, “चिहुंक र'अके, इदिन नॆकन हूँ अमके तेंगा।”

मरकुस 5:43

फिन आस आरिन चेताबाचस, का ई कत्‍था इसन मंजा इदन नॆकन हूँ अमके तेंगा, अरा बाचस इदगे मॊख़ा गे एन्‍द्रिइम लो चि'आ।

मरकुस 7:36

ख़ने येसुस आरिन आनियस का इदन नॆकन हूँ अमके तेंगा। लिकिन आर आस अमके तेंगा ब'अरकी ऎ बग्‍गे बाचस, आ बग्‍गेम आर ई कत्‍थन मेन्‍त'आ हेलरर।

मरकुस 8:23

आस अन्‍धासी ख़ेक्खन धर'अरकी पद्दा ती बहरी होच्‍चस। अरा येसुस आसी ख़न्‍न नू लालेन नंजस ती आसी म‍इय्‍याँ तंग्‍है ख़ेक्खन उइय्‍यस ती मेंजस, “नीन अक्‍कुन इन्द्रिइम ऎरा ओंग्दय का?”

मरकुस 8:25

ख़ने येसुस अउरिम ओंग्‍होन आसी ख़न्‍न नू ख़ेक्खा उइय्‍यस, ख़ने आस कोड़े मंज ख़च्‍चियस, अरा आस जम्मानिम फरीफरी ऎरा उंगियस।