मरकुस 8:22 - पुना गच्छरना NT (BSI)

²² तहाँ येसुस अरा आसी चेलर बॆतसै‍दा पद्दा नू बरचर, ख़ने जोक्‍क आलर ओन्‍टा अन्‍धासिन येसुस गुसन ओन्‍द्रर। अरा आर येसुसिन आ आलासिन कोड़े नना गे ऎसड़'आ गे गोहरारर।

मरकुस 8:22 ပူးပေါင်းရင်းမြစ်များ

मत्तायोस 11:21

“ओहरे ख़ोराजिन नगरे ता आलारो, ओहरे बॆतसैदा नगरे ता आलारो! एका सवंग ही नलख निम्‍है नू मंजकी र'ई, अबड़ा तुरोस दरा सीदॊन नगरे नू मंजकी रहचा होले, आ उल्‍लम अइय्या ता आलर तमन सन्नी ऎद'आ गे बोरन झपर'अरकी अरा चिन्‍द नू ओक्‍करकी जियन किर्ताचका र'ओर दने।

मत्तायोस 14:36

अरा आर आस गुसन तंगन महले तंग्‍है किचरी ही अंचरन हूँ रोगियारिन ऎसड़'आ चि'आ गे गोहरारर। अरा ऎ बग्‍गे आलर आसिन ऎसड़र आर ओर्मर कोड़े मंजर केरर।

मत्तायोस 8:15

लिकिन येसुस अदही ख़ेक्खन ऎवंसरस ख़ने अदही नाड़ी तम्मिया केरा। तहाँ आद चॊचा ती आसी तेतर-सुसर नना हेलरा।

मत्तायोस 8:3

ख़ने येसुस ख़ेक्खा ती आसिन ऎंसड़स ती बाचस, “एंग्‍है मने र'ई का नीन सफा मना कला।” आ बारिम आसी खसरा सफा मंजा केरा।

मत्तायोस 9:29

ख़ने येसुस आर ही ख़न्नन ऎंवसड़स ती बाचस, “निम्‍है पत्त'अना लेक्‍खा निमा गे मनन नेक‍अन।”

मरकुस 2:3

अरा जोक्को आलर तम्है ती चार झन आलर ती ओन्‍टा लकवा बेमरहासिन खटी नू चेड्डर ती येसुस गुसन ओन्‍द्रर बरचर।

मरकुस 3:10

बग्‍गेरिन आस कोड़े नंजका रहचस, ख़ने उर्मी रोगियर आसिन ऎसड़'आ गे चिपर'अरकी मुन्‍द बरचर, एन्‍देरगेका आर कोड़े मना ओंगोर।

मरकुस 6:45

लॆम येसुस चेलारिन डोंगा नू अरग'अरकी तंग्‍है ती मुन्‍द बॆतसै‍दा नगरे काला गे आनियस। येसुस गोंहड़न उडर'अना गूटी असन रहचस।

लू‍कस 10:13

ओहरे निमा ख़ोराजिन नगरे ता आलारो, ओहरे निमा बॆतसैदा नगरे ता आलारो। एका सवंग ही नलख निम्‍है नू मंजकी र'ई, अबड़ा तुरोस दरा सीदॊन नगरे नू मंजकी रहचा होले, आ उल्‍लम अइय्या ता आलर तमन सन्नी ऎद'आ गे बोरन झपर'अरकी अरा चिन्‍द नू ओक्‍करकी जियन किर्ताचका र'ओर दने।

लू‍कस 9:10

फिन बारा तइरकर किर्रियर ती ताम एन्‍देर एन्‍देर नंजकाचर अदिन येसुसिन तिंगियर। अरा येसुस आरिन बॆतसैदा नामे नगरे नू तंग्‍है गने होच्‍चस केरस असन आर तामलेका र'आ ओंगोर।

यॊहनस 1:44

फिलिप्‍पोस गा अन्‍द्रेयस अरा पतरसी नगरे बॆतसैदा ता रहचस।

यॊहनस 12:21

अबड़र गलिलेया ही बॆतसैदा ता फिलिप्‍पोस गुसन बरचर ती बाचर, “उर्बायो, ऎम येसुसिन भेंट मना बेद्ददम।”