मरकुस 8:2 - पुना गच्छरना NT (BSI)

² “एंगा ई गोंहड़न सोग्‍गे लग्‍गी, एन्‍देरगेका ईर तीन उल्‍ला ती एंग्‍है गने र'अनर। अक्‍कुन गा आर ही गुसन ओन्ना-मॊख़ना मुंज्रा।

मरकुस 8:2 ပူးပေါင်းရင်းမြစ်များ

मत्तायोस 14:14

आस अंड़सियस ती डोंगा ती इत्तियस ती कोहँम गोंहड़न ईरियस अरा आरिन सोग्‍गे ईरियस अरा आर ही रोगेन कोड़े नंजस।

मत्तायोस 20:34

येसुस सोग्‍गे ईरियस ती आर ही ख़न्‍नन एंसड़स। ख़ने आर आ बारिम ऎरा हेलरर, अरा आसी ख़ॊख़ा गुड़ियारर।

मत्तायोस 9:36

येसुस गोंहड़न ईरयस ख़ने आस गे आर ही मइय्याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा भिड़कारका अरा बींड्रका रहचर।

मरकुस 1:41

इदन मेनरकी येसुस गे आसिन नगदे सोग्‍गे लग्‍गिया। ख़ने आस तंग्‍है ख़ेक्खन बड़हाबाचस ती आ आलासिन ऎवंढरस अरा बाचस, “एंग्‍है मने र'ई, औंगे ऎन निंगन कोड़े नन्‍दन।”

मरकुस 5:19

लिकिन येसुस आसिन बर'आ गे मल चिच्‍चस, अरा आसिन बाचस, “नीन निंग्‍है एड़पा कालरकी निंग्‍है एड़पातारिन तेंगा, उर्बस निंग्‍है म‍इय्‍याँ एका कोहाँ नलख नंजकादस, अरा आस निंग्‍है म‍इय्‍याँ ऎ बग्‍गे सोग्‍गे ईरकादस।”

मरकुस 6:32

ख़ने आर ओन्‍टा डोंगा नू अरगरकी ओन्‍टा उछिन्‍द अड्डा केरर।

मरकुस 6:34

येसुस डोंगा ती इत्तियस ख़ने पिंडी नू कोहाँ गोंहड़न ईरियस। आस गे आर ही म‍इय्‍याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा रहचर। ख़ने आस आरिन कैनो गोटंग कत्‍था ही पत्त नू सिखाब'आ हेलरस।

मरकुस 8:3

ऎन आरिन कूल कीड़ा ती एड़पा त‍इय्‍योन होले, आर डहरे नू पयहा मनोर क'ओर, एन्‍देरगेका जोक्को आलर गेच्‍छा ती बरचकानर।”

मरकुस 9:22

तहाँ आद आसिन पिटा गे घड़ी घड़ी चिच्‍ची नू महले अम्मु नू हूँ टिड्डा, लिकिन नीन एमा गे इन्द्रिइम नना ओंग्दय होले, एम्‍‍है म‍इय्‍याँ सोग्‍गे ऎरा अरा सहाड़ा नना।”

लू‍कस 15:20

तहाँ आस अम्‍बियस ती तम्‍बस गुसन बरचस। लिकिन आस गेच्‍छम रहचस ख़नेम तम्‍बस आसिन ईरियस अरा सोग्‍गे ईरियस ती बुंगनुम केरस ती आसिन ख़िंवच्‍चियस अरा चुंखियस।

लू‍कस 7:13

उर्बस अदिन ईरयस ख़ने आस गे अदही म‍इय्याँ सोग्‍गे लग्‍गिया, अरा अदिन बाचस, “अमय चींख़य।”,

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।

इब्रानी 5:2

आस मल बुझ्र'उर ती अरा बेहड़ारका आलर ती लुदऊ जिया ती कछनख्र'ऊ आलस र'अदस, एन्‍देरगेका आस तान हूँ तंग्‍हा नू एन्‍ने पयहा आलस र'अदस।