मरकुस 8:17 - पुना गच्छरना NT (BSI)

¹⁷ आर एन्‍देर ब'आ लगियर अदिन येसुस अक्‍खस, ख़ने आस बाचस, “निम्‍है गुसन असमा मल्‍ला अदही पत्त नू नीम एन्‍देरगे बाचनखर'आ लगदर? नीम अक्‍कुन गूटी बलदर अरा मल बुझुरदर का? निमा सिख्र'आ मल तुक्‍की का?

मरकुस 8:17 ပူးပေါင်းရင်းမြစ်များ

मत्तायोस 12:15

इदिन अक्‍खस ती येसुस असले किर्रिम बिच्‍चियस, अरा कोड़हे आलर आसी ख़ॊख़ा गुड़ियारर अरा आस आर नू ती बेमरहा ओर्मारिन कोड़े नंजस।

मत्तायोस 15:17

एन्‍देर नीम बलदर का इन्द्रिइम लॊ बई नू कुर'ई आद कूल नू क'ई अरा तंग्‍है डहरे नू उरखी क'ई।

मत्तायोस 16:7

आर तम्‍है नू आनानखर'आ हेलरर, “आस इदन ब'अदस एन्‍देरगेका नाम असमा मल्‍ला ओन्‍द्रका।”

मरकुस 16:14

ख़ॊख़ा अबड़ा ग्यारा चेलर मं‍डी ओना गे उक्‍कियर, ख़ने येसुस आर गे ऎथ्रस। अरा आर ही जिया मल भेदना अरा मल पत्त'अना ही चड्डे आस आरिन केप्‍पस। एन्‍देरगेका आर आसी उज्‍जा चॊचका ही ख़ॊख़ा आसिन ईरकारिन मल पत्ताचर।

मरकुस 2:8

येसुस लॆम तंग्‍है ती अक्‍खस का ईर तम्‍है नू एन्ने सोच'आलनर, अरा आस आरिन बाचस, “नीम एन्‍देरगे एन्ने सोचदर?

मरकुस 3:5

आस आरिन कैर ती ईरियस। आर ही जिया ही बेड़हा चड्डे आसी जिया उल्‍लिया। ख़ने आस आ आलासिन बाचस, “निंग्‍है ख़ेक्खन लमाब'आ।” आस तंग्‍है ख़ेक्खन लमाबाचस, अरा आसी ख़ेक्खा कोड़े मंज ख़च्चिया।

मरकुस 6:52

एन्‍देरगेका आस असमन किच्‍चरकी बग्‍गे आलारिन मॊख़ताचस, अदिन आर ईरियर, अन्नु हूँ आस एवन्‍दा सवंगिय र'अदस अदिन आर मल बुझ्रर। आर इदिन चिहुंक लगे मल सोच्‍चर।

मरकुस 8:16

आर ताम ताम नू बाचनखर'आ हेलरर, “आस इदन ब'अदस एन्‍देरगेका नम्‍है गुसन असमा मल्‍ला।”

लू‍कस 24:25

ख़ने येसुस आरिन बाचस, “अना लूर मलका आलारो, अरा धर्मेसी कत्‍था तिंगुर ही उर्मी बाचकन पत्त'अना नू भकुवा आलारो!

यॊहनस 16:30

अक्‍कु ऎम अख़दम का नीन उर्मिन अख़दय, नॆ हूँ निंगन मेना गे चाड़ मल्‍ला। इत्रु ती ऎम पत्त'अदम का नीन धर्मेस ती उरखकय बरचकादय।”

यॊहनस 21:17

येसुस आसिन तिसर हॆल मेंजस, “अना सिमॊन, यॊहनसी ख़द्दायो! नीन एंगन चोन्‍हा नन्‍दय का?” तिसर हॆल हूँ “नीन एंगन चोन्‍हा नन्‍दय का?” एन्ने येसुस मेंजका ती पतरस दुक्‍खे मंजस। आस येसुसिन बाचस, “अना उर्बायो! नीन गा उर्मिन अख़दय। नीन इदन हूँ अख़दय का निंगन ऎन चोन्‍हा नन्‍दन।” येसुस आसिन बाचस, “नीन एंग्‍है भेंडो गुट्ठिन ओन्‍त'आ।

दहदर मंजका कत्‍था 2:23

अरा ऎन अदही गने चॊंख़्र'उरिन पिटोन। होले उर्मी कलीसिया गुट्ठी अख़'ओ का जिया अरा मन गुट्ठी ही बिढ़'ऊ ऎनिम हिकदन। अरा ऎन नीम ओर्त ओर्त गे नीम नंजका नलख गुट्ठी ही लेक्खम किर्रत'ओन चि'ओन।