मरकुस 8:13 - पुना गच्छरना NT (BSI)

¹³ एन्ने बाचका ख़ॊख़ा येसुस आरिन अम्‍बरकी डोंगा नू अरगियस ती आ पक्‍खे काला हेलरस।

मरकुस 8:13 ပူးပေါင်းရင်းမြစ်များ

मत्तायोस 15:14

फरिसीर ती तरकूटी र'आ, आर अन्धहा डहरे ईद'उर। अन्‍धहर अन्‍धहर गे डहरे ऎद'ओर होले, इरबर दिम गड्‍डी नू खत्र'ओर।”

मत्तायोस 7:6

एन्‍द्रा नेम्‍हा र'ई अदिन नेम्‍हा मलकर गे अमके चि'आ, आर अदिन तिर्ख़ोर नाबोर अरा आर निंग्‍है गने लड़ाई ननोर।

मरकुस 8:12

इदन मेनरकी आस तंग्‍है बॊलता नू नगदे ख़ोदख़रनुम बाचस, “एन्‍देरगे ई परिया ता आलर अकबक नलख ही चिन्‍हा बेद्दनर?, ऎन निमन मानिम ब'अदन, ऎन ई परिया ता आलर गे एन्‍देर चिन्‍हा हूँ मल चि'ओन।”

मरकुस 8:14

काना नू चेलर ओन्ना-मॊख़नन हो'आ गे मोधरका रहचर, अरा डोंगा नू आर गुसन ओन्‍टा लेका असमा रहचा।

लू‍कस 8:37

ख़ने गेरासॆनोस चक ही अड्डे-बेड्डे ता आलर येसुसिन गोहरारर का, “एम्‍है गुसले किर्रिम बि'आ” एन्‍देरगेका आर अउर हूँ नठार'ओ ब'अरकी नगदे इल्चका केरका रहचर। होले येसुस डोंगा नू अर्गियस ती किर्रियस केरस।

यॊहनस 12:36

बिल्‍ली निम्‍है गने र'अना बारिम, नीम आ बिल्‍लिन पत्त'आ, होले नीम बिल्‍ली ही ख़द्दर मना ओंगोर।” येसुस इबड़न बाचस ती किर्रिम बिच्‍चियस, अरा आस मल ऎथ्रस।

यॊहनस 8:21

फेन येसुस अउरिम आरिन बाचस, “ऎन कादन अरा नीम एंगन बेद्दोर, अन्नु हूँ निम्‍है पाप गुट्ठी नू खे'ओर। एक्‍सन ऎन कादन असन नीम बर'आ पोल्‍लोर।”

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”

त‍इरकर 27:2

आसिया देस ही पिंडी पिंडी कालू अद्रमुत्तॆनोस नगरे ती बरचका ओन्‍टा कोहाँ डोंगा रहचा, आद काना बारी रहचा। अइय्या नू ऎम अरगकम। अरा अरिस्‍तरख़ोस नामे थेस्‍सलोनिकॆ नगरे ता ओन्‍टा मकेदोनिया ता आलस एम्‍है गने रहचस।