मरकुस 7:4 - पुना गच्छरना NT (BSI)

⁴ अन्नेम आर बजार ती किर्रनर ख़ने हूँ आर तमन बिगर नॊड़रका मल ओन्नर। लोटा अरा मौनी अरा तांमा ही संजगिन नॊड़ना मंजना, एन्ने कैनो गोटंग चाल र'ई, अबड़ा नू हूँ आर ऎकनर।)

मरकुस 7:4 ပူးပေါင်းရင်းမြစ်များ

मत्तायोस 23:25

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम मौनी दरा छिपन बहरी बहरी मंजदर, लिकिन निम्‍है भितरी चिबाख़ारना अरा लोभ निंदकी र'ई।

मत्तायोस 23:26

अना कना फरिसीरो, मुन्‍द मौनी अरा छिपन भितरी मंज'आ का आद बहरी हूँ सफा मनो।

मत्तायोस 27:24

पिलातुस ईरियस का गोंहड़ा ही चिच्‍चियारना मल मड़'आ लगी, अरा आस एन्द्रा हूँ इदही पत्त नू नना पुल्‍लियस। अरा आस अम्मु नॆचस ती गोंहड़ा ही मुन्‍दहारे ख़ेक्खा नॊंढरस ती बाचस, “ऎन ई उजगो आलासी खे'अन‍ ही बदी ती बछ्रदन, निम्‍है म‍इय्याँ दिम ईद मनो।”

मरकुस 7:8

निमन धर्मेस एन्‍देर पॆसस अदन तरकूटी नन्‍दर, लिकिन आलर ही चालन चिहुंक लगे नन्‍दर।”

यॊहनस 2:6

असन यहूदीर ही चाल लेक्‍खा सुध मना गे पखना ही छै गोटंग अम्मु उइय्ना कुंड़ा गुट्ठी उइय्का रहचा। उर्मी कुंड़ा नू पछत्तर ती ओन सौ पन्‍द्रा लिटर अम्मु सम'आ लगिया।

यॊहनस 3:25

यॊहनसी चेलर अरा ओन्‍टा यहूदी ही मझी नू चाल ही सुध मन्ना ही पत्त नू आनानखरना मंजा।

इब्रानी 9:10

अबड़ा गा ओन्ना-मॊख़ना ही आलॊ गुट्ठी अरा रकम रकम ही नॊड़ना मंजना ही मॆद ही चाल गुट्ठी हवे, एकदा पुना नॆत बरना गूटी गा नलख मनी।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।