34 अरा आस मेर्ख़ा तरा ऎररकी नींख़चारचस, अरा अरामी भखा नू बाचस, “एप्फता” इदही माने “कोलर'अय कलय”।
इदन मेनरकी येसुस गे आसिन नगदे सोग्गे लग्गिया। ख़ने आस तंग्है ख़ेक्खन बड़हाबाचस ती आ आलासिन ऎवंढरस अरा बाचस, “एंग्है मने र'ई, औंगे ऎन निंगन कोड़े नन्दन।”
ओनबीड़ी तीन बजे येसुस जॊरसरिया चिच्चियारनुम बाचस, “ऎलॊइ, ऎलॊइ लेमा सबख़तानी।” इदही माने, “एंग्है धर्मे, एंग्है धर्मे नीन एंगन एन्देरगे अम्बकय?”
तहाँ आस कुक्के ही ख़ेक्खन धर'अरकी अदिन अरामी भखा नू बाचस, “ तलिता कूम” एकदा ही माने “सन्नी कुक्के ऎन निंगन ब'अदन, चो'अय”।
येसुस अबड़ा पांच असमन अरा ऎंड़ इंजोन होच्चस, अरा मेर्ख़ा तरा ऎररकी आद गे धर्मेसिन धन्यवाद नंजस, अरा असमन अरा इंजोन किच्चियस ती अदिन ख़ट्टा गे चेलर गे चिच्चस। चेलर ओर्मर गे अबड़न ख़ट्टियर।
लॆम आसी ख़ेबदा कोल्लरा केरा, अरा आसी ततख़ा ही हॆंरका कोल्लरा, अरा आस फरीफरी ब'आ हेलरस।
इदन मेनरकी आस तंग्है बॊलता नू नगदे ख़ोदख़रनुम बाचस, “एन्देरगे ई परिया ता आलर अकबक नलख ही चिन्हा बेद्दनर?, ऎन निमन मानिम ब'अदन, ऎन ई परिया ता आलर गे एन्देर चिन्हा हूँ मल चि'ओन।”
येसुस आसिन बाचस, “ऎरा हो'आ, नीन उजगारकय एन्देरगेका नीन एंगन पत्ताचकय।”
एकाबारी येसुस येरुसलॆम हेद्दे अंड़सियस ख़ने, नगरेन ईरियस ती चींख़ियस।
आस हेद्दे केरस ती सार आबोन एवंढरस, ख़ने चिड़'ऊ आलर इज्जर केरर। अरा आस बाचस, “अना जॊंख़ायो, ऎन निंगन ब'अदन चो'आ।”
येसुस मरियमन अरा अदही गने बरचका यहूदीरिन हूँ चींख़ना ईरियस ख़ने, जिया नू हेंदवारस अरा अकबकरस ती
येसुस ख़ंजलख़ो चुरख़स।
येसुस जिया ती अउरिम कोड़हे हेंदवारस अरा मसड़ा गुसन बरचस। आद ओन्टा ख़ोल रहचा, अरा अइय्या ओन्टा पखनन उर्दका रहचा।
ख़ने आर पखनन टाँड़चर। फिन येसुस मइय्याँ मॆन ईरियस ती बाचस, “अना बंगायो, ऎन निंगन धन्यवाद नन्दन का एंग्हैन नीन मेंजका र'अदय।
येसुस एन्ने बाचस ती जॊरसरिया चिच्चियारस, “अना लाजरस, उरखा बरा।”
इबड़ा कत्थन येसुस बाचस मुंजियस ती आस मेर्ख़ा तरा मॆन ईरियस ती गोहरारस, “अना एंग्है बंगायो, बेड़ा अंड़सकी र'ई, निंग्दस एंग्है महबन नीन आलर गे दहदर नना, का ऎन आलर गे निंग्है महबन ऎद'आ ओंग्दन।
पतरस आसिन बाचस, “ऐनेयास, येसु मसीस निंगन कोड़े नन्दस, चो'आ ती निंग्है पिटरिन तेरमा।” लॆम आस चॊचस ती इज्जस।
पतरस ओर्मारिन बहरी तइय्यस अरा मूकलिद्रस ती गोहरारस। अदही ख़ॊख़ा आस मरी तरा ईरियस ती बाचस, “तबिता चो'अय!” आद ख़न्नन चलख़ा अरा पतरसिन ईरिया ती चॊचा ती उक्किया।
नम्है एन्ने कोहाँ नैगस र'अस का नॆ नम्है पयहा नू नम्है गने दुक्खे सार'आ ओंग्दस। आस गा ख़ॆख़ेल नू उज्जो बारी उर्मी रकम ती नम्है लेक्खा बिढ़्रस, लिकिन एन्देर हूँ पाप मल नंजस।