27 यहूदीरिन ख़द्दर अरा नॆ यहूदी मलनर आरिन अल्ला बेसे जोक्खरकी येसुस अदिन बाचस, “ख़द्दर ही ओन्ना-मॊख़नन अल्ला गे चि'अना दौ मल्ली, मुन्द ख़द्दारिन ओन्त'अना र'ई।”
येसुस इबड़ा बारो तइरकारिन पॆसस ती तइय्यस, “नन-यहूदीर गुसन अमा कला अरा समारिया ता आलर ही नगरे नू अमके कोर'आ।
एन्द्रा नेम्हा र'ई अदिन नेम्हा मलकर गे अमके चि'आ, आर अदिन तिर्ख़ोर नाबोर अरा आर निंग्है गने लड़ाई ननोर।
आद सीरिया जिला ही फिनिकिया नगरे ता युनानी आली रहचा। आद येसुस गुसन तंग्दा ती नाद आबोन ओथ्र'आ गे गोहरार'आ।
लिकिन आद आसिन किर्त'अर बाचा, “मानिम दिम उर्बायो, लिकिन अल्ला हूँ गा ख़द्दर ही ओन्ना-मॊख़ना ही जुट्ठा-अट्ठा खत्तरकन पिसी मूख़ी।”
ख़ने आस एंगन बाचस, ‘कला, एन्देरगेका ऎन निंगन गेच्छा नू नन-यहूदी आलर गुसन तइय्योन।’”
ऎन ब'अदन का एका गच्छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस।
आ बारी नीम एकासे रहचकर अदिन सुरता नना। आ बारी नीम मसीस ती गेच्छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्छरना गुट्ठिन बल्ला लिक्कर। अरा नीम असरा मलका आलर, अरा धर्मेस मलका आलर लेक्खा ख़ॆख़ेल नू उज्जकर।