मरकुस 7:26 - पुना गच्छरना NT (BSI)

²⁶ आद सीरिया जिला ही फिनिकिया नगरे ता युनानी आली रहचा। आद येसुस गुसन तंग्‍दा ती नाद आबोन ओथ्र'आ गे गोहरार'आ।

मरकुस 7:26 ပူးပေါင်းရင်းမြစ်များ

मत्तायोस 15:22

अय्या ता ओन्‍टा नन-यहूदी आली आस गुसन बरचा अरा चिच्चि‍यारा ती ब'आ हेलरा, “अना उर्बायो, दाऊदसी ख़द्दायो, एंगन सोग्‍गे ऎरा, एंग्‍दन नाद धरचकी र'ई, आद एंग्‍दन नगदे खिलपत नना लगी।”

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मरकुस 7:25

ओन्‍टा आली येसुसी हलन मेनरकी आसी गुसन बरचा, अरा लॆम आसी ख़ेडमूली खत्तरा। अदही सन्नी तंग्‍दन ओन्‍टा मलदौ बॊलता धरचकीचा।

मरकुस 7:27

यहूदीरिन ख़द्दर अरा नॆ यहूदी मलनर आरिन अल्‍ला बेसे जोक्‍खरकी येसुस अदिन बाचस, “ख़द्दर ही ओन्ना-मॊख़नन अल्‍ला गे चि'अना दौ मल्‍ली, मुन्‍द ख़द्दारिन ओन्‍त'अना र'ई।”

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।