मरकुस 7:22 - पुना गच्छरना NT (BSI)

²² चिबाख़ारनर, मलदौ नलख नन्नर, ठगनर, पेहरन ही मलदौ ख़न्न ऎरनर, पड़गनर, हींड़नर, तरगरनर, अरा बैतल नलख नन्नर।

मरकुस 7:22 ပူးပေါင်းရင်းမြစ်များ

मत्तायोस 20:15

एन्‍देर ईद जॊगे मल्‍ला का ऎन एंग्‍है जिनिस ती एन्‍देर नना बेद्दोन अदिन ननोन? नीन एंग्‍है दौ र'अना चड्डे एंगन अड्डे ऎरदय का?’

मत्तायोस 6:23

लिकिन निंग्‍है ख़न्न बगड़ारकी र'ई होले निंग्‍है सौंसे मॆद ऊख़ा र'ओ। अरा निंग्‍है भितरी ता बिल्‍ली दिम मल रफ'ओ होले नीन मानिम नू कोड़हे ऊख़ा नू र'अदय।

मरकुस 7:21

एन्‍देरगेका आलर जिया नू मलदौ सोचनर। ई चड्डे आर पेहरन ही सोतरा नलख नन्नर अरा आर ख़ड़नर, आल पिटनर, नन्ना आली गुसन कानर,

मरकुस 7:23

आलर मलदौ सोच सोचनर ती इबड़ा उर्मी मलदौ नलखन नन्नर, ईद आलारिन धर्मेसी ऎरना नू मलदौ कम'ई।”

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

1 पतरस 2:15

एन्देरगेका नीम निम्‍है दौ नलख ती लूर मलका आलर ही मलदौ कत्‍था कछनख्रनन मुढ़'आ गे धर्मेस बेद्ददस।

1 पतरस 5:5

अन्नेम अना जॊंख़ारो! नीम सेयान आलर ही आकुस नू निमन चि'आ। अरा नीम ओर्मर लुदऊ मनरकी ओर्त ओर्त गे सुसर नना। एन्देरगेका नेम्हा पुथी एन्ने ब'ई का, “धर्मेस फुलई मनुर ही बिड़दो मन्दस, लिकिन आस लुदऊ र'उर ही मइय्याँ सोग्गे ऎरदस।”