मरकुस 7:21 - पुना गच्छरना NT (BSI)

²¹ एन्‍देरगेका आलर जिया नू मलदौ सोचनर। ई चड्डे आर पेहरन ही सोतरा नलख नन्नर अरा आर ख़ड़नर, आल पिटनर, नन्ना आली गुसन कानर,

मरकुस 7:21 ပူးပေါင်းရင်းမြစ်များ

मत्तायोस 15:19

एन्‍देरगेका मलदौ सोच, आल पिटना, नन्ना आली गुसन काना, पेहरन ही सोतरा नलख, ख़ड़ना, ठकवा गोवाह चि'अना अरा निंदा नन्ना जिया तिम उरखी।

मत्तायोस 9:4

आर ही ई सोचनन अक्‍खस ती येसुस आरिन बाचस, “नीम एन्‍देरगे निम्‍है जिया नू मलदौ सुगुम सोचदर?

मरकुस 7:20

अरा आस बाचस, “एकदा आलासी ब‍ई महले जिया ती उरखी आद आलासिन धर्मेसी ऎरना नू मलदौ कम'ई।

मरकुस 7:22

चिबाख़ारनर, मलदौ नलख नन्नर, ठगनर, पेहरन ही मलदौ ख़न्न ऎरनर, पड़गनर, हींड़नर, तरगरनर, अरा बैतल नलख नन्नर।

लू‍कस 16:15

ख़ने आस आरिन बाचस, “नीम आलर ही ऎरना नू गा दौ ऎथ्रदर, लिकिन धर्मेस निम्‍है जिया ता कत्‍थन अख़दस। एकाद आलर ही ऎरना नू कोहाँ र'ई आद धर्मेसी ऎरना नू ख़ाँड़ना र'ई।

त‍इरकर 5:4

आ ख़ल्‍लन बीसना ती मुन्‍द आद निंग्‍है दिम रहचा। अरा बीसका ख़ॊख़ा हूँ अदही दामन निंग्‍है मने लेक्‍खा नना ओंगा लिक्‍कय। एन्‍देरगे नीन एन्ने नलख नना गे सोचकय? नीन एंगन मला धर्मेसिन ठकचकय।”

त‍इरकर 8:22

नीन निंग्‍है ई पाप गे जियन किर्त'आ अरा उर्बासिन गोहरार'आ होले, आस निंग्‍है ई मलदौ सोच आबोन छमा ननोस।

रोमी 7:5

इकला नाम नम्‍है पाप सुबहा ही तबे नू रहचकत ख़ने पाप ही चिबाख़ारना नम्‍है नू नलख नंजा। अरा एमा ई पाप ही चिबाख़ारना पॆसका ही सवंग ती एमा गे खे'अना ही ख़ंजपा ओन्‍द्र'आ लगिया।

रोमी 7:8

लिकिन पॆसका र'अना ही चड्डे अदिन चाड़ा गे पाप उर्मी रकम ही चिबाख़ार'आ गे एंगन इज'ई। नॆग मलका नू पाप ही आ सवंग मल र'ई।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

याकॊब 2:4

एन्ने होले, नीम निम्‍है नू तीना ख़ाँड़ना ही अरा मलदौ सोच गुट्ठी ती नेंवई नन्ना ही बदी नन्दर।