मरकुस 7:18 - पुना गच्छरना NT (BSI)

¹⁸ ख़ने आस आरिन बाचस, “नीम हूँ मल बुझुर'उर हिकदर का? नीम मल ईरकर का?, एन्‍द्रिइम ओन्ना-मॊख़ना आलासी ब‍ई ती कुर'ई आद आसिन धर्मेसी ऎरना नू मलदौ पुल्ली कम'आ।

मरकुस 7:18 ပူးပေါင်းရင်းမြစ်များ

मत्तायोस 15:11

एकाद आलासी बई नू कुर'ई आद आसिन सोतबोड़'आ मल ननी, लिकिन एकाद आलासी बई ती उरखी आदिम आसिन सोतबोड़'आ ननी।”

मत्तायोस 16:11

ऎन निमन असमा ही पत्त नू मल्‍ला बाचका। नीम एन्‍देरगे इदन मल बुझुरदर? ऎन गा फरिसीर अरा सदुकीर ही बिदगी ती चिहुंक र'आ गे ब'आलदन।”

मरकुस 4:13

फिन आस आरिन बाचस, “नीम ई जोक्‍खा ख़ीरिन मल बुझुरदर का? होले नीम नन्ना उर्मी जोक्‍खा ख़ीरी गुट्ठिन एकासे बुझुर'ओर?

मरकुस 7:17

येसुस गोंहड़ा आबोन अम्‍बरकी तंग्‍है डेरा एड़पा केरस, ख़ने आसी चेलर आस ती ई जोक्‍खा ख़ीरी ही पत्त नू मेंजर।

मरकुस 7:19

एन्‍देरगेका आद जिया नू मल कुर'ई, लिकिन आद कूल नू कुर'ई अरा पच'अरकी बहरी उरखी काली।” (एन्ने ब'अरकी उर्मी ओन्ना-मॊख़ना आलॊन सफा बाचस।)

लू‍कस 24:25

ख़ने येसुस आरिन बाचस, “अना लूर मलका आलारो, अरा धर्मेसी कत्‍था तिंगुर ही उर्मी बाचकन पत्त'अना नू भकुवा आलारो!

यॊहनस 3:10

येसुस आसिन बाचस, “नीन इस्राऎल नू ओन्‍टा मुध गुरु र'अदय, अन्नु हूँ इबड़ा कत्‍थन नीन मल बुझ्रदय का?

1 कोरिन्‍थ 3:2

ऎन निमन दुदही लेक्‍खा ऒर ही कत्‍थन लेका सिखाबाचकन, बेड़हा ओन्ना-मॊख़नन मल चिच्‍चकन, एन्‍देरगेका नीम अदन इंझ्र'आ पोलकर दने। अक्‍कुन गूटी हूँ नीम अदन इंझ्र'आ पोलदर दने।

इब्रानी 5:11

ऎम इदही पत्त नू नगदे कत्‍था ब'आ बेद्ददम, लिकिन अदिन बुझुरत'अना सेब्‍बा मलकी। इदगेका नीम लॆम मल बुझुरदर।