मरकुस 6:52 - पुना गच्छरना NT (BSI)

⁵² एन्‍देरगेका आस असमन किच्‍चरकी बग्‍गे आलारिन मॊख़ताचस, अदिन आर ईरियर, अन्नु हूँ आस एवन्‍दा सवंगिय र'अदस अदिन आर मल बुझ्रर। आर इदिन चिहुंक लगे मल सोच्‍चर।

मरकुस 6:52 ပူးပေါင်းရင်းမြစ်များ

मरकुस 16:14

ख़ॊख़ा अबड़ा ग्यारा चेलर मं‍डी ओना गे उक्‍कियर, ख़ने येसुस आर गे ऎथ्रस। अरा आर ही जिया मल भेदना अरा मल पत्त'अना ही चड्डे आस आरिन केप्‍पस। एन्‍देरगेका आर आसी उज्‍जा चॊचका ही ख़ॊख़ा आसिन ईरकारिन मल पत्ताचर।

मरकुस 3:5

आस आरिन कैर ती ईरियस। आर ही जिया ही बेड़हा चड्डे आसी जिया उल्‍लिया। ख़ने आस आ आलासिन बाचस, “निंग्‍है ख़ेक्खन लमाब'आ।” आस तंग्‍है ख़ेक्खन लमाबाचस, अरा आसी ख़ेक्खा कोड़े मंज ख़च्चिया।

मरकुस 7:18

ख़ने आस आरिन बाचस, “नीम हूँ मल बुझुर'उर हिकदर का? नीम मल ईरकर का?, एन्‍द्रिइम ओन्ना-मॊख़ना आलासी ब‍ई ती कुर'ई आद आसिन धर्मेसी ऎरना नू मलदौ पुल्ली कम'आ।

लू‍कस 24:25

ख़ने येसुस आरिन बाचस, “अना लूर मलका आलारो, अरा धर्मेसी कत्‍था तिंगुर ही उर्मी बाचकन पत्त'अना नू भकुवा आलारो!

यॊहनस 12:40

“धर्मेस आर ही ख़न्‍नन कना, अरा आर ही जियन बेड़हा नंजका र'अस। एन्ने अम्‍बो मना का आर ख़न्‍न ती ऎरोर, अरा जिया ती बुझुर'ओर, अरा आर एंग्‍है गुसन किर्रोर बर'ओर, अरा ऎन आरिन कोड़े ननोन।”

रोमी 11:7

ईद एन्ने र'ई का, इस्राऎल आलर एका कत्‍थन बेद्दना नू रहचर अदिन उर्मीर गा पोल्‍लर ख़क्‍खा। लिकिन धर्मेसी ती चज्जिका जोक्‍क आलर अदिन ख़क्‍खियर। अरा बछ्रका आलर ही जिया बेड़हा मंजा केरा।