मरकुस 6:51 - पुना गच्छरना NT (BSI)

⁵¹ फिन आस डोंगा नू अरगियस ती आर गने उक्‍कियस। ख़ने ताका मड़चा केरा। अरा आर अजम अकबकरर केरर।

मरकुस 6:51 ပူးပေါင်းရင်းမြစ်များ

मत्तायोस 8:10

येसुस इदिन मेंजस ती आसी पत्त नू अकबकरस। अरा आस तंग्‍है ख़ॊख़ा चॊंख़्र'उरिन ऎर'अरकी बाचस, “मानिम नू ऎन निमन ब'अदन का इस्राऎल नू हूँ ऎन एन्‍ने पत्ताचका आलासिन मल ईरकन।”

मरकुस 1:27

असन रहचर ओर्मर अनचकरर केरर, अरा ताम ताम कछनख्र'आ हेलरर, “बब्बारे! ई सिखाब'अना एकासे? ईद गा आकुस गने पुना सिखाब'अना। आस मलदौ बॊलतन हूँ आनदस, अबड़ा हूँ आसी कत्‍थन मिनी।”

मरकुस 2:12

आ आलस लॆम चॊचस अरा खटिन चेड्‍डस अरा ओर्मर ही ऎथ्रना नू बहरी ईकनुम केरस। ओर्मर अनचकरर केरर, अरा धर्मेसी ओहमा नंजर अरा बाचर, “नाम एन्ने एन्‍द्रा हूँ मल ईरका रहचकत।”

मरकुस 4:39

ख़ने येसुस चो'अरकी ताकन केप्‍पस अरा लहरन बाचस, “मड़‍'अय कलय! अमय गरजार‍'अय।” ख़ने ताका मड़चा अरा समुदर छछिन्‍द मंजा।

मरकुस 4:41

ख़ने आर अउरिम नगदे इल्चियर ती ताम ताम नू बाचर, “ईस एकासे आलस हिकदस? नाद लेका मला लिकिन ताका अरा लहरा हूँ ईसहीन पॆस्र'ई।”

मरकुस 5:42

लॆम आ कुक्‍के चो'अरकी कुद्दा नुंगा हेलरा। (आद बारा बछर ही रहचा।) असन रहचर आर ओर्मर नगदे अकबकरर।

मरकुस 6:32

ख़ने आर ओन्‍टा डोंगा नू अरगरकी ओन्‍टा उछिन्‍द अड्डा केरर।

मरकुस 7:37

नॆ ई कत्‍थन मेंजर आर नगदे अकबकरर, अरा ब'आ हेलरर, “आस एन्‍देर एन्‍देर नलख नंजस अबड़ा उर्मिन दौ दिम नंजका र'अदस। आस भ‍ईरा आलासिन मेना गे हूँ नन्‍दस, अरा कोन्‍दा आलासिन कछनख्र'आ गे हूँ सवंग चि'अदस।”

यॊहनस 6:21

ख़ने आर आसिन डोंगा नू अरग'आ बेद्दा लगियर, अरा लॆम एक्‍सन काला लगियर असन धरी नू डोंगा अंड़सिया केरा।