मरकुस 6:5 - पुना गच्छरना NT (BSI)

⁵ आस असन बग्‍गे अकबक नलख मल नंजस। एन्‍देरगेका नासरेत पद्दा ता आलर मल पत्ताचर का आस मसीस हिकदस। ख़ने आस जोक्को रोगियर म‍इय्‍याँ लेका तंग्‍है ख़ेक्खा उइय्‍यरकी आरिन कोड़े नंजस।

मरकुस 6:5 ပူးပေါင်းရင်းမြစ်များ

मत्तायोस 13:58

अरा आस असन आर ही मल पत्त'अना चड्डे बग्‍गे अकबक नलख मल नंजस।

मरकुस 5:23

अरा गोहर'अरकी आसिन बाचस, “सन्नी एंग्‍दा खे'आ बेद्दाली, नीन बर'अरकी अदही म‍इय्‍याँ ख़ेक्खा उइय्‍या अरा कोड़े नना, होले आद मल खे'ओ।”

मरकुस 9:23

ख़ने येसुस आसिन बाचस, “‘नीन नना ओंग्दय होले’ एन्ने अमा ब'आ, एन्‍देरगेका एंगन पत्त'ऊ आलर गे ऎन इन्द्रिइम नना ओंग्दन।”

त‍इरकर 28:8

पोपलियोसी तम्‍बस नाड़ी अरा कूल ही रोगे ती बिड़िरका रहचस। पौलुस भितरी कोरचस ती आसिन ईरियस, अरा आस गे गोहरारस ती आसी म‍इय्याँ ख़ेक्खा गुट्ठिन उइय्यस ती आसिन कोड़े नंजस।

इब्रानी 4:2

एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।