मरकुस 6:2 - पुना गच्छरना NT (BSI)

² ख़न्न ऎख़ना उल्‍ला नू आस गोड़हा एड़पा नू सिखाब'आ हेलरस। बग्‍गे आलर अदन मेंजर ती अनचकरर केरर अरा जोक्को आलर ब'आलियर, “ईस गे एन्ने लूर ही कत्‍था, अरा एन्ने अकबक नलख नना गे सवंग एसलेक ख़क्‍खरा?

मरकुस 6:2 ပူးပေါင်းရင်းမြစ်များ

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मत्तायोस 7:28

येसुस इबड़ा कत्था गुट्ठिन तेंगा मुं‍जा ख़च्‍चियस ख़ने गोंहड़ा गुट्ठी आसी सिखाब'अनन मेंजा ती अन‍चकरा केरा।

मरकुस 1:39

ख़ने आस अरा आसी चेलर गोट्टा गलिलेया जिला नू केरर। असन आस यहूदी गोड़हा एड़पा नू दौ कत्‍थन मेन्‍त'आलियस। अरा आस आलर म‍इतले नादन हूँ ओथ्र'आलियस।

मरकुस 10:1

फिन येसुस कफरनहूम नगरे आबोन अम्‍बरकी यूदेया जिला अरा यरदन ख़ाड़ ही आ पक्‍खे केरस। गोंहड़ा आस गुसन फिन ख़ॊंड़रा। अरा आस तंग्‍है रोज ता लेक्‍खा आरिन सिखाब'आ हेलरस।

लू‍कस 2:47

ऎ बग्गे आलर येसुसी कत्‍थन मेनालियर आर आसी बुझुरना ती अरा आसी उत्तर चि'अना ती अकबकरर केरर।

लू‍कस 4:15

आस यहूदीर ही गोड़हा एड़पा गुट्ठी नू सिखाब'आ हेलरस, अरा ओर्मर आसी ओहमा ननालियर।

यॊहनस 6:42

अरा आर ब'आ लगियर, “ईस गा येसुस, यॊसॆफसी तंग्‍दस, ईसी तंग्‍यो तम्‍बन नाम अख़दत, होले अक्‍कु ईस एकासे ब'अदस, ‘ऎन मेर्ख़ा ती इत्तका हिकदन?’”

यॊहनस 7:15

ख़ने यहूदीर हैकट मंजर ती ब'आ हेलरर, “ईस गे बिगर सिखिरकम इवंदा लूर एकासे बरचा?”