मरकुस 6:17 - पुना गच्छरना NT (BSI)

^17-18 एन्‍देरगेका जोक्‍क उल्‍ला ही मुन्‍द हॆरॊदॆस बॆलस हॆरॊदिया आबोन उइय्काचस, एकाद हॆरॊदॆसी भइय्योस फिलिप्‍पोसी मुक्‍का रहचा। हॆरॊदॆस फिलिप्‍पोसी उज्‍जनुम अदिन उइयस। यॊहनस हॆरॊदॆसिन घड़ी घड़ी ब'आलियस, “निंगा निंग्ड़िसी मुक्‍कन उइय्‍ना धर्मेसी नॆग ती बिड़दो र'ई।” ख़ने हॆरॊदिया हॆरॊदॆस ती बिद्दिया का यॊहनसिन जेहेल नू सजताना र'ई। ई चड्डे हॆरॊदॆस यॊहनसिन गुड़'आ गे सैनारिन त‍इय्‍का रहचस, अरा आसिन धर'अरकी जेहेल नू सजताचकाचस।

मरकुस 6:17 ပူးပေါင်းရင်းမြစ်များ

मत्तायोस 11:2

यॊहन नूड़रत'उस जेहेल नू रहचस। आस मसीसी नलख ही हलन ख़क्खियस, अरा तंग्‍है चेलारिन येसुसिन इदन मेना तइय्‍यस।

लू‍कस 3:1

कैसर तिबेरयुस रोम राजिन राजी नन्ना ही पन्‍द्रा बछर नू पोन्‍तियुस पिलातुस यूदेया जिला ही राजीख़ापू रहचस। आ बेड़ा हॆरॊदॆस अंटिपस गलिलेया जिला ही बॆलस रहचस। अरा आसी तंग्ड़िस फिलिप्‍पोस इतुरैया अरा त्राख़ॊनितिस जिला ही बॆलस रहचस। अरा लुसानियास अबिलॆनॆ जिला ही बॆलस रहचस।

मत्तायोस 4:12

येसुस यॊहनसी धरतारकन मेंजस ख़ने आस गलिलेया जिला किर्रिम बिच्चियस।

मरकुस 6:16

हॆरॊदॆस अंटिपस बॆलस येसुसी पत्त नू आलर ही ब'अनन मेंजस ती ब'आलियस, “अबड़ा अकबक ही नलख गुट्ठी ननुस यॊहनस हवे, ऎन यॊहनसी कुक्‍कन खं‍ड़ताचकन, लिकिन आस उज्‍जा चॊचस।”

यॊहनस 3:24

(ईद यॊहनसिन जेहेल नू सजना ती मुन्‍द मंजकीचा।)