मरकुस 6:14 - पुना गच्छरना NT (BSI)

¹⁴ हॆरॊदॆस अंटिपस बॆलस येसुसी हलन मेंजस, एन्‍देरगेका अजम आलर आसी पत्त नू कछनख्र'आलियर। जोक्‍कोर ब'आलियर, “यॊहन नूड़रत'उस केचका ती उज्‍जा चॊदतारकादस, आस इसन किर्रकादस, औंगेम ईस गे इबड़ा अकबक नलख नना गे धर्मेसी सवंग र'ई।”

मरकुस 6:14 ပူးပေါင်းရင်းမြစ်များ

मत्तायोस 9:31

लिकिन आर केरर ती आ गोट्टा चक नू येसुसी दौ नलखन तेंगा कुद्दियर।

मरकुस 1:28

येसुसी पत्त ता ई कत्‍थन लॆम अबड़ा आलर गलिलेया जिला ही बग्‍गे अड्डा नू तिंगियर।

मरकुस 1:45

लिकिन आस तंगन येसुस एकासे कोड़े नंजस अदन नगदे आलारिन तेंगा हेलरस। ई चड्डे येसुस आलर ही ऎथ्रना नू एकअम नगरे नू काला पोल्‍लस, एन्‍देरगेका कोहाँ गोंहड़ा ख़ॊंड़रा। औंगे आस नगरे ही बहरी उछिन्‍द अड्डा नू रहचस। अन्नु हूँ ओनबेंड़र'आ ती आलर आसी गुसन बर'आलियर।

मरकुस 8:28

ख़ने आर किर्त'अर बाचर, “जोक्‍क आलर ब'अनर यॊहन नूड़रत'उस फिन उज्‍जनुम किर्रियस, अरा जोक्‍क आलर ब'अनर धर्मेसी कत्‍था तिंगुस एलियस, अरा नन्नर ब'अनर चिरान ता धर्मेसी कत्‍था तिंगुर ती ओर्तोस”

लू‍कस 13:31

आ बारिम जोक्‍क फरिसीर बरचर ती येसुसिन बाचर, “इय्या ती उरखा ती किर्रिमबि'आ, एन्‍देरगेका हॆरॊदॆस अन्‍टिपास निंगन पिटा बेद्ददस।”

लू‍कस 3:1

कैसर तिबेरयुस रोम राजिन राजी नन्ना ही पन्‍द्रा बछर नू पोन्‍तियुस पिलातुस यूदेया जिला ही राजीख़ापू रहचस। आ बेड़ा हॆरॊदॆस अंटिपस गलिलेया जिला ही बॆलस रहचस। अरा आसी तंग्ड़िस फिलिप्‍पोस इतुरैया अरा त्राख़ॊनितिस जिला ही बॆलस रहचस। अरा लुसानियास अबिलॆनॆ जिला ही बॆलस रहचस।

लू‍कस 7:17

अरा येसुसी पत्त ता इबड़ा कत्‍था गोट्टा यूदेया जिला अरा अड्डे-बेड्डे ता उर्मी चक नू बींड़रा केरा।

लू‍कस 9:19

आर किर्त'अर बाचर, “जोक्‍क आलर ब'अनर यॊहन नूड़रत'उस केचका ती उज्‍जा चॊचस अरा जोक्‍कोर ब'अनर धर्मेसी कत्‍था तिंगू एलियस मेर्ख़ा ती किर्रियस बरचस, ‍अरा नन्नर ब'अनर चीरान ता धर्मेसी कत्‍था तिंगुस ओर्तोस उज्‍जा चॊचकादस।”

1 थेस्‍सलोनिकॆयर 1:8

एन्‍देरगेका निम्‍है गुसले मकेदोनिया अरा अख़ाया नू लेका उर्बासी दौ कत्‍था मल तेंग्रा। लिकिन धर्मेस नू निम्‍है पत्त'अना र'ई आद उर्मी अड्डा बींड़रकी किरकी र'ई का एमा ब'अना ही चाड़ मलकी।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।