मरकुस 5:6 - पुना गच्छरना NT (BSI)

⁶ आस येसुसिन गेच्‍छा तिम ऎररकी भेंटार'आ गे बोंगस ती आसी मुन्‍दहारे ख़ेडमूली खत्तर'अरकी मोंजरा नंजस।

मरकुस 5:6 ပူးပေါင်းရင်းမြစ်များ

मरकुस 5:5

आस उल्‍ला अरा माख़ा बारी हूँ आस मसड़ा गुट्ठी अरा परता ही मझी नू र'अरकी चिच्चि‍यार'आलियस, अरा तान तानिम धारे पखना ती मोचर'आलियस।

मरकुस 5:7

ख़ने येसुस आसिन बाचस, “हे मलदौ बॊलता, ई आलस ती उरखय बरय।” ख़ने आस चिच्चि‍यारनुम बाचस, “हे येसु! उर्मी ती कोहाँ धर्मेसी ख़द्दायो, एंग्‍है गने निंगा एन्‍देर नलख? ऎन धर्मेसी नामे ती किरया मॊख़दन का एंगन दुक्‍खे अमा चि'आ।”

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”

याकॊब 2:19

नीन पत्त'अदय का, ओन्टे लेका धर्मेस र'अदस। आद दौ हिके। नाद गुट्ठी हूँ गा अदिन पत्त'ई, अरा इल्‍ची अरा असरी।