मरकुस 5:34 - पुना गच्छरना NT (BSI)

³⁴ ख़ने आस अदिन बाचस, “ख़द्दे, नीन एंगन पत्ताचकी का ऎन निंगन उजग'आ ओंग्दन, आदिम निंगन उजगाचा, दौ गने किर्रिमबि'अय, अरा नीन ई रोगे ती उजगार'अय।”

मरकुस 5:34 ပူးပေါင်းရင်းမြစ်များ

मत्तायोस 9:2

आ बेड़ा नू जोक्‍क आलर ओर्त लकवा बेमरहासिन खटी नू बिड्रका रांगे येसुस गुसन ओन्‍द्रर। आर ही पत्त'अनन ईरयस ती येसुस लकवा बेमरहासिन बाचस, “अना ख़द्द, डिढ नना, निंग्‍है पाप गुट्ठी छमा नन्‍तार'ई।”

मत्तायोस 9:22

येसुस ख़ॊख़ा तरा बिड़द्रस ती अदिन ईरयस ती बाचस, “अनय ख़द्द जिया नू डिढ ननय, नीन एंगन पत्ताचकी, औंगे नीन उजगारदी।” आ बारिम आद कोड़े मंज ख़च्‍चिया।

मरकुस 10:52

तहाँ येसुस बाचस, “कला, नीन एंगन पत्ताचकय ख़ने ऎन निंगन कोड़े नन्‍दन।” आ आलस लॆम ऎरा उंगियस, अरा डहरे नू आसी गने केरस।

मरकुस 3:10

बग्‍गेरिन आस कोड़े नंजका रहचस, ख़ने उर्मी रोगियर आसिन ऎसड़'आ गे चिपर'अरकी मुन्‍द बरचर, एन्‍देरगेका आर कोड़े मना ओंगोर।

मरकुस 5:29

ख़ने लेथेम आद ही ख़ॆंस काना ठकरा केरा। अरा आद तंग्‍है मॆद नू अक्‍खा, का आद तंग्‍है रोगे ती उजगारा।

मरकुस 5:33

ख़ने तंग्‍है नू कोड़े मंजकन अक्‍खा आ आली इल्‍चिनुम अरा असरनुम आस गुसन बरचा। अरा आद आसिन तंग्‍है नंजका उर्मी कत्‍थन फरीफरी तिंगिया।

लू‍कस 17:19

ख़ने येसुस आसिन बाचस, “चो'आ, कला। नीन एंगन पत्ताचकय आदिम निंगन नाड़िया।”

लू‍कस 18:42

येसुस आसिन बाचस, “ऎरा हो'आ, नीन उजगारकय एन्‍देरगेका नीन एंगन पत्ताचकय।”

लू‍कस 7:50

लिकिन आस आ मुक्‍कन बाचस, “नीन एंगन पत्ताचकय, औंगे धर्मेस निंगन नाड़ियस, कोड़े गने किर्रिम बि'अय।”

लू‍कस 8:48

येसुस अदिन बाचस, “अना ख़द्दो, नीन एंगन पत्ताचकी औंगेम नीन उजगारकी, कोड़ेम किर्रिम बि'अय।”

त‍इरकर 14:9

आस पौलुसी ब'अनन मेना लगियस ख़ने, पौलुस आसिन ओन ढिठ ईरियस ती धर्मेस एंगन कोड़े नना ओंग्दस एन्ने आसी पत्त'अनन अक्‍खस।

त‍इरकर 15:33

जोक्‍क उल्‍ला आर असन रहचर ती भइय्योर आरिन कोड़े गने येरुसलॆम कलीसिया किर्रा गे त‍इय्यर।

त‍इरकर 16:36

ख़ने दरोगस ई कत्‍थन पौलुसिन तिंगियस, “रोमी अक्‍स'उर निमन अम्‍बा चि'आ गे आनका त‍इय्कानर। औंगे नीम उरखा ती कोड़ेम किर्रिम बि'आ।”

याकॊब 2:16

निम्‍है ती एकअम ओर्तस आरिन ब'अदस, “धर्मेस निम्है गने र'अदस, सान्ति गने कला, उदुम उदुम र'अके, अरा छचबच ओनके।” लिकिन आर गे एन्‍देर चाड़ मनी अदिन मल चि'अदस होले, एन्‍देर नफा?