मरकुस 5:23 - पुना गच्छरना NT (BSI)

²³ अरा गोहर'अरकी आसिन बाचस, “सन्नी एंग्‍दा खे'आ बेद्दाली, नीन बर'अरकी अदही म‍इय्‍याँ ख़ेक्खा उइय्‍या अरा कोड़े नना, होले आद मल खे'ओ।”

मरकुस 5:23 ပူးပေါင်းရင်းမြစ်များ

मत्तायोस 8:3

ख़ने येसुस ख़ेक्खा ती आसिन ऎंसड़स ती बाचस, “एंग्‍है मने र'ई का नीन सफा मना कला।” आ बारिम आसी खसरा सफा मंजा केरा।

मरकुस 16:18

आर नेर्रेन धर'ओर अरा महुरन ख़प्‍पोर होले हूँ आर एन्‍देर हूँ मल मनोर। अरा आर बिमरहर म‍इय्‍याँ ख़ेक्खा उइय्‍योर होले आर कोड़े मनोर कालोर।”

मरकुस 5:24

ख़ने येसुस आसी गने केरस। अरा ओन्‍टा कोहाँ गोंहड़ा खत्तरना काना बेसे आसी ख़ॊख़ा केरा।

मरकुस 6:13

अरा आर बग्‍गे नादन ओथ्र'आलियर, अरा बग्‍गे रोगियर गे जैतून इसुंग टूड़रकी आरिन कोड़े ननालियर।

मरकुस 7:32

आ बारी जोक्को आलर असन ओन्‍टा भ‍ईरा अरा कोन्‍दा आलासिन आसी गुसन ओन्‍द्रर। अरा आर आसिन कोड़े नना गे आसी म‍इय्‍याँ तंग्‍है ख़ेक्खा उइय्‍या गे येसुसिन गोहरारर।

मरकुस 8:23

आस अन्‍धासी ख़ेक्खन धर'अरकी पद्दा ती बहरी होच्‍चस। अरा येसुस आसी ख़न्‍न नू लालेन नंजस ती आसी म‍इय्‍याँ तंग्‍है ख़ेक्खन उइय्‍यस ती मेंजस, “नीन अक्‍कुन इन्द्रिइम ऎरा ओंग्दय का?”

लू‍कस 13:13

अरा आस अदही म‍इय्याँ तंग्‍है ख़ेक्खा उइय्यस, ख़ने आद लेथेम उजगारा केरा, अरा धर्मेसी ओहमा नना हेलरा।

लू‍कस 4:38

येसुस गोड़हा एड़पा ती चॊचस ती सिमॊनसी एड़पा कोरचस। असन सिमॊनसी तंग्‍सास गे नगदे नाड़ी रहचा। अरा अबड़र अदिन कोड़े नना गे आस ती गोहरारर।

लू‍कस 4:40

बीड़ी पुतबारी अबड़ा आलर नॆ नॆ कैनो मदहे बेमार ती लिंडरका रहचर आर जम्मारिन आसी गुसन ओन्‍द्रर। अरा आस ओरोत ओरोत म‍इय्याँ ख़ेक्खा उइय्यस ती कोड़े नंजस।

लू‍कस 7:12

आस नगरे ही फाटक गुसन अंड़सियस ख़ने, आलर ओन्‍टा केचका ‍आलासिन चेड़'अरकी बहरी हो'आ लगियर। आस तंगियो ही ओन्‍टे लेका ख़द्दस रहचस। अरा आद रड़ीयाही रहचा। अरा आ नगरे ता ढ़ॆर आलर अदही गने रहचर।

यॊहनस 11:3

औंगे अबड़ा दुयो बहिनर येसुसिन कत्था तइय्यर, “उर्बायो, नीन नॆकन चोन्‍हा नन्‍दय आस बेमार र'अस।”

त‍इरकर 28:8

पोपलियोसी तम्‍बस नाड़ी अरा कूल ही रोगे ती बिड़िरका रहचस। पौलुस भितरी कोरचस ती आसिन ईरियस, अरा आस गे गोहरारस ती आसी म‍इय्याँ ख़ेक्खा गुट्ठिन उइय्यस ती आसिन कोड़े नंजस।

त‍इरकर 6:6

ईरिन त‍इरकर ही मुन्‍दहारे ओन्द्रर। अरा आर गोहरारर ती आर ही म‍इय्याँ ख़ेक्खा ओक्‍ताचर।

त‍इरकर 8:17

तहाँ पतरस अरा यॊहनस आर ही म‍इय्याँ ख़ेक्खा उइय्यर अरा आर नेम्‍हा बॊलतासिन ख़क्‍खियर।

त‍इरकर 9:12

आस देखार नू ईरकादस का हनानिया नामे आलस बरदस ती आसी म‍इय्याँ ख़ेक्खा उइय्‍दस। ख़ने आस ऎरा ओंग्दस।”

त‍इरकर 9:17

तहाँ हनानियास उरखस ती यूदसी एड़पा कोरचस। अरा आस स‍उलसी म‍इय्याँ ख़ेक्खन उइय्यस ती बाचस, “अना भई स‍उल, उर्बा येसुस नॆ निंगन इसन बर'ओ बारी डहरे नू ऎथ्रकाचस, आस एंगन त‍इय्कादस का नीन अउर ऎरा ओंगोय, अरा नीन नेम्‍हा बॊलतस ती नीन्‍द'ओय क'ओय।”