मरकुस 5:13 - पुना गच्छरना NT (BSI)

¹³ ख़ने येसुस अबड़न काला गे बाचस, अबड़ा मलदौ बॊलता बहरी उरखरकी अबड़ा किस्‍सी नू समसारा। आ किस्‍सी खरखा नू मलागूटी ऎंड़ हजार किस्‍सी रहचा। अरा अबड़ा किस्‍सी दलखा ती किइय्या बोंगा, अरा समुदर नू मुलख़िया केच्‍चा।

मरकुस 5:13 ပူးပေါင်းရင်းမြစ်များ

मत्तायोस 7:6

एन्‍द्रा नेम्‍हा र'ई अदिन नेम्‍हा मलकर गे अमके चि'आ, आर अदिन तिर्ख़ोर नाबोर अरा आर निंग्‍है गने लड़ाई ननोर।

मत्तायोस 8:32

येसुस अबड़न बाचस, “कला।” ख़ने नाद अबड़ा आलर ती उरखा ती किस्‍सी गुट्ठी नू समसारा केरा। तहाँ गोट्टा खरखा दलखा ती अम्म नू बोंग डिघया अरा मुलख़िया केच्‍चा।

मरकुस 5:12

अबड़ा मलदौ बॊलता आसिन गोहरार'आ, “एमन अबड़ा किस्‍सी नू त‍इय्‍या, होले ऎम अबड़ा नू कोर'आ ओंगोम।”

मरकुस 5:14

किस्‍सी ख़ापुर बोंगरकी हेद्दे ता पद्दा अरा अड्डे-बेड्डे टोंका ता आलारिन तिंगियर। ख़ने आलर एन्‍देर मंजकी रहचा अदिन ऎरा गे केरर।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।

दहदर मंजका कत्‍था 20:7

ओन हजार बछर मुंज्र'ओ ख़ने, सैतान जेहेल ती बिछिर'ओस चि'ओस।

दहदर मंजका कत्‍था 9:11

भयभयान ख़ोड़ख़ा गड्डी ही मेर्ख़ा पैकस दिम अबड़ा ही मइय्याँ बॆलस रहचस। आसी नामे इब्रानी भखा नू अबद्दॊन अरा युनानी भखा नू अप्‍पोल्लयॊन हवे।