मरकुस 4:36 - पुना गच्छरना NT (BSI)

³⁶ औंगे गोंहड़न अम्‍बियर ती आर एका डोंगा नू येसुस रहचस अइय्या अरगियर। अरा नन्ना आलर हूँ आर ही गने नन्ना डोंगा गुट्ठी नू केरर।

मरकुस 4:36 ပူးပေါင်းရင်းမြစ်များ

मत्तायोस 8:23

तहाँ येसुस डोंगा नू अरगियस, अरा आसी चेलर आसी गने केरर।

मरकुस 3:9

येसुस तंग्‍है चेलारिन बाचस, “एंगा गे ओन्‍टा डोंगन सपड़'आ, एन्‍देरगेका बग्‍गे गोंहड़ा ख़ोपरका ही चड्डे आलर एंगन चिप'आ पोल्‍लोर, होले ऎन डोंगा नू ओक्‍का ओंगोन, अरा नॆ पिंडी नू र'अनर अबड़ा आलारिन सिखाब'आ ओंगोन।”

मरकुस 4:1

येसुस फिन गलिलेया समुदर ही पिंडी नू सिखाब'आ हेलरस। आसी चरियो तरा कोहाँ गोंहड़ा ख़ॊंड़रा केरा। ख़ने आस समुदर नू इज्जका ओन्‍टा डोंगा नू अरगियस ती उक्‍कियस, इदगे का गोंहड़ा आसिन अम्‍बो थोकबोकामब'आ, अरा आस आरिन ब'आ ओंगोस। उर्मी गोंहड़ा समुदर ही पिंडी नू रहचा।

मरकुस 4:37

ख़ने कोहाँ घटा बरचा, अरा लहरा डोंगा नू बर'आ हेलरा, अरा डोंगा अम्मु ती नीदा हेलरा।

मरकुस 5:2

तहाँ आर डोंगा ती इत्तियर, ख़ने ओन्‍टा मलदौ बॊलता धरतारका आलस मरघटी ती उरखरकी येसुसिन भेंटार'आ गे बरचस।

मरकुस 5:21

फिन येसुस डोंगा नू अरगियस, अरा समुदर ही आ पक्‍खे केरस। ख़ने आस गुसन पिंडी नू ओन्‍टा नगदे कोहाँ गोंहड़ा ख़ॊंड़रा।

मरकुस 6:32

ख़ने आर ओन्‍टा डोंगा नू अरगरकी ओन्‍टा उछिन्‍द अड्डा केरर।

लू‍कस 8:22

उन्‍दुल येसुस अरा आसी चेलर डोंगा नू अर्गियर अरा आस आरिन बाचस, “बरा, नाम समुदर ही आ पक्‍खे क'ओत।” तहाँ आर काला हेलरर।