मरकुस 4:31 - पुना गच्छरना NT (BSI)

³¹ आद मनी बिहनी लेक्‍खा र'ई। आद ख़ॆख़ेल नू चाँख़'ऊ उर्मी बिहनी ती सन्नी मनी।

मरकुस 4:31 ပူးပေါင်းရင်းမြစ်များ

मरकुस 4:30

फिन येसुस बाचस, “ऎन निमन तेंगोन नाम धर्मेसी राजिन एन्‍देर गने जोक्‍ख'ओत। ऎन निमन ई जोक्‍खा ख़ीरिन तेंगोन।

मरकुस 4:32

लिकिन चाँख़तार'ई ख़ने, आद उर्मी बटकी ख़ोप्‍पा गुट्ठी ती कोहाँ परदी, अरा अदही एन्ने कोहाँ डाड़ा मनी, का ऒड़ा गुट्ठी अदही ऎख़ नू बसा अरा खोता गुट्ठी नना ऊंगी।”

लू‍कस 17:6

उर्बस बाचस, “निमा गे ओन्‍टा मनी बिहनी लेक्‍खा पत्त'अना रहचका होले हूँ, नीम ई तुंती मन्नन ब'ओर, ‘नीन चड़र'अय ती समुदर नू इदर'अय कलय’ होले आद निम्‍है पॆसकन मन'ओ दने।”

त‍इरकर 19:20

ई लेक्‍खा उर्बासी कत्‍था डिड़गर गने बींड़रनुम अरा बड़ियर मन्नुम केरा।

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 21:20

अबड़र इदिन मेंजर ती धर्मेसी महबा नंजर। फेन आस ती बाचर, “अना भ‍ई, नीन ऎरदय का यहूदी आलर ती कैयो हजार आलर पत्ताचका र'अनर। आर ओर्मर मूसासी नॆग नू मूलख़का र'अनर।

त‍इरकर 4:4

लिकिन नॆ आर ही तेंगनन मेंजका रहचर, अत्रु ढ़ॆर आलर पत्ताचर। अक्‍कु मलागूटी मॆतर पाँच हजार पत्त'ऊ आलर मंजर केरर।

त‍इरकर 5:14

अरा नगदे बग्‍गे मॆतर अरा मुक्‍कर उर्बा येसुसिन पत्त'आ लगियर। अरा आर पत्त'ऊ आलर ही खोंड़हा नू मेसर'आ लगियर।

दहदर मंजका कत्‍था 11:15

फेन सातवाँ मेर्ख़ा पैकस पेंड़हे ऊरचस ख़ने, मेर्ख़ा नू जॊरसरिया सड़ा गुट्ठी एन्ने बाचा, “ख़ॆख़ेल ता राजी नम्‍है उर्बासी अरा आसी मसीसी राजी मंजा केरा, अरा आस हुल्लो ती हुल्लो गूटी राजी ननोस।”