मरकुस 4:24 - पुना गच्छरना NT (BSI)

²⁴ फिन आस आरिन बाचस, “नीम एंग्‍है ती एन्‍देर मेन्‍दर अदही पत्त नू चिहुंक लगय सोच'आ। एन्‍देरगेका नीम एका बग्‍गे चिहुंक लगय सोचदर, आ बग्‍गे बुझुर'आ गे धर्मेस निमन संगरा ननोस, अरा इदिन ती बग्‍गे हूँ बुझुर'आ गे आस निमा गे संगरा ननोस।

मरकुस 4:24 ပူးပေါင်းရင်းမြစ်များ

मत्तायोस 7:2

एकासे नीम नन्नारिन नेंव‍ई नन्‍दर अन्नेम नीम हूँ नेंव‍ई नन्‍तार'ओर, अरा नीम एका जोखना ती जोख'ओर आ जोखना तिम निमा गे हूँ धर्मेस ती जोखतार'ओ।

मरकुस 9:7

ख़ने ओन्‍टा बदाली आरिन कुल्‍लिया चिच्‍चा, अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ख़ने ईसहीन मेना।”

लू‍कस 8:18

औंगे चिहुंक र'आ का नीम धर्मेसी कत्‍थन एकन्ने मेन्‍दर, नॆ एंग्‍है सिखाब'अना ही पत्त नू चिहुंक लगे सोचनर, आर गे बग्‍गे बुझुर'आ गे धर्मेस मद‍इत ननोस, लिकिन नॆ एंग्‍है सिखाब'अना ही पत्त नू चिहुंक लगे मल सोचनर, आर ही बुझुरका जोक्‍क कत्‍था गुट्ठिन हूँ धर्मेस मॊधरत'ओस चि'ओस।”

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 10:27

एंग्‍है भेंडो एंग्‍है सड़न मिनी। ऎन अबड़न अख़दन, अरा अबड़ा एंग्‍है गने गुड़ियार'ई।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

2 कोरिन्‍थ 9:6

सुरता उइय्या का, नॆ जुक्‍की चाँख़दस आस जुक्‍की ख़ॊयोस, अरा नॆ बग्‍गे चाँख़दस आस बग्‍गे ख़ॊयोस।

इब्रानी 2:1

औंगे नाम एका मानी कत्‍थन मेंजकादत अबड़न नमा बॆस लगे चिहुंक ती नन्ना र'ई। एन्ने अम्‍बन मना का ना‍म अबड़ा मानी ती बेहड़ार'ओत कालोत।

1 पतरस 2:2

अरा पुना कुन्‍द्रका ख़द्दर दुदही गे तरसारनर अदही लेक्‍खा नीम हूँ सुध बॊलता ही दुदही गे तरसारना नू र'आ, होले आद ती नीम निम्है नाड़रना नू पूरा परद'ओर।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।