मरकुस 4:20 - पुना गच्छरना NT (BSI)

²⁰ लिकिन जोक्‍क आलर उपजा ख़ॆख़ेल लेक्‍खा हिकनर। आर धर्मेसी कत्‍थन मेन्नर अरा इंझ्रनर ती आर एन्‍देर नना गे धर्मेस बेद्ददस अदिन नन्नर। आर बॆस ख़ोप्‍पा लेक्‍खा तीस गुना अरा साट गुना अरा सौ गुना ख़ंजपा चि'अनर।”

मरकुस 4:20 ပူးပေါင်းရင်းမြစ်များ

मत्तायोस 13:23

अरा एकदा उबजा ख़ॆख़ेल नू चाँख़्रा, आद ईद हवे, एकास कत्‍थन मेन्‍दस ती बुझ्रदस, अरा ख़ंजपा ओन्‍द्रदस, नॆ सौ गुना महले साठ गुना महले तीस गुना ख़ंजपा चि'अदस।”

मत्तायोस 13:8

लिकिन जोक्को बिहनी उपजा ख़ॆख़ेल नू ख़त्रा, अरा आद कुन्‍दिया परदिया अरा जोक्को सौ गुना ख़ंजा, जोक्को साट गुना ख़ंजा, जोक्को तीस गुना ख़ंजा।

मरकुस 4:8

लिकिन जोक्को बिहनी उपजा ख़ॆख़ेल नू खत्तरा, अरा आद कुन्‍दिया परदिया अरा ख़ंजा अरा जोक्को तीस गुना ख़ंजा अरा जोक्को साट गुना ख़ंजा अरा जोक्को सौ गुना ख़ंजा।”

लू‍कस 8:15

अरा जोक्‍क आलर बिहनी खत्रका दौ ख़ॆख़ेल लेक्‍खा हिकनर। आर कत्‍थन मेन्नर ती सत अरा फरी जिया नू सम्ड़'अरकी उइय्नर अरा सहेलहे गने ख़ंजनर।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 15:2

एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।

रोमी 7:4

ई लेक्‍खम अना एंग्‍है भ‍ईरो, निमा पच्चा आल सुबहा मसीस गने पॆसका ही सवंग गे केच्‍चा केरा। अरा अक्‍कु नीम एका ओर्तस केचका ती उज्‍जा चॊच्‍चस आसी गने मेसरकत। ई चड्डे नाम दौ नलख ही दौ ख़ंजपा धर्मेस गे चि'आ ओंग्‍दत।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

2 पतरस 1:8

एन्देरगेका इबड़ा उर्मी गुन्न गुट्ठी नू नीम बड़ियर मन्नुम परदनुम क'ओर होले, नम्है उर्बस येसु मसीसिन अख़ना लूर नू नीम परदा गे अरा ख़ंजपा ओन्द्र'आ गे इबड़ा सहाड़ा ननो।