मरकुस 4:2 - पुना गच्छरना NT (BSI)

² अरा आस आरिन जोक्‍खा ख़ीरी ती कैनो गोट कत्‍थन सिखाबाचस। अरा तंग्‍है सिखाब'अना नू एन्ने बाचस,

मरकुस 4:2 ပူးပေါင်းရင်းမြစ်များ

मत्तायोस 13:10

फेन आसी चेलर हेद्दे बरचर ती आसिन बाचर, “नीन आलारिन एन्‍देरगे जोक्‍खा ख़ीरी गुट्ठी ती कछनख्रदय?”

मत्तायोस 13:3

अरा आस आरिन जोक्‍खा ख़ीरी गुट्ठी ती कैनों गोट कत्‍थन तिंगियस। अरा एन्ने बाचस, “ओन्‍टा बिहनी चाँख़'उस चाँख़'आ उरखस।

मत्तायोस 7:28

येसुस इबड़ा कत्था गुट्ठिन तेंगा मुं‍जा ख़च्‍चियस ख़ने गोंहड़ा गुट्ठी आसी सिखाब'अनन मेंजा ती अन‍चकरा केरा।

मरकुस 10:1

फिन येसुस कफरनहूम नगरे आबोन अम्‍बरकी यूदेया जिला अरा यरदन ख़ाड़ ही आ पक्‍खे केरस। गोंहड़ा आस गुसन फिन ख़ॊंड़रा। अरा आस तंग्‍है रोज ता लेक्‍खा आरिन सिखाब'आ हेलरस।

मरकुस 12:1

येसुस एन्ने यहूदी मुद्धर गने कछनख्रस ती आस ई जोक्‍खा ख़ीरिन तिंगियस। “ओन्‍टा आलस रहचस। आस ओन्‍टा अंगुर ही बटकी कमचस, अरा चरियो तरा पगड़ हड़चस, अरा अंगुर ती रासी ओथ्र'आ गे चचड़ी नू कुंडा कमचस, अरा ख़ापा गे मचा कमचस, अरा अदिन उर्बर गे ठिका चिच्‍चस, फिन तान ओन्‍टा नन्ना राजी केरस।

मरकुस 12:38

येसुस तंग्‍है सिखाब'अना नू अउरिम बाचस, “नॆग सिखाब'उर ती चिहुंक र'आ। आर दिगहा किचरी अत्तरकी कुद्दनर, अरा बजार टोंका गुट्ठी नू मोंजरा ख़क्‍खा गे बेद्दनर।

मरकुस 3:23

ख़ने आस अबड़ारिन मीख़ियस ती जोक्‍खा ख़ीरी नू आर ती बाचस, “सैतान सैतानन मलम बोंगत'ओ,

मरकुस 4:11

आस आरिन बाचस, “धर्मेस आलर ही उज्‍जना नू राजी नन्ना ही पत्त नू आलर मुन्‍द मल बुझ्रर। ऎन निमा गे अदन अख़'आ गे अरा बुझुर'आ गे नन्‍दन। लिकिन नॆ तम्है उज्‍जनन धर्मेसिन राजी नना मल चि'अनर आर गे ऎन उर्मी कत्‍थन जोक्‍खा ख़ीरी रूपे लेका ब'अदन।

मरकुस 4:3

“मेना! ओन्‍टा चाँख़'उस ख़ल्ल नू बिहनी चाँख़'आ गे उरखस।

यॊहनस 18:19

फिन कोहाँ नैगस येसुस ती आसी चेलर ही अरा आसी सिखाब'अना ही पत्त नू मेंजस।