मरकुस 4:19 - पुना गच्छरना NT (BSI)

¹⁹ लिकिन आर उरुब मना गे अरा बग्‍गे खुर्जी ख़क्‍खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्‍थन मॊधर'आ गे ननी। औंगे धर्मेस आरिन एन्‍देर नन्ना र'ई एन्ने बेद्ददस अदिन आर मल नन्नर।

मरकुस 4:19 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मत्तायोस 19:23

ख़ने येसुस तंग्‍है चेलर ती बाचस, “ऎन निमन मानिम ब'अदन का उरुब आलर मेर्ख़ा राजी नू कोरना कोड़हे सस्‍ती र'ई।

मत्तायोस 3:10

अक्‍कु सुरता नना का धर्मेसी रायबड़ी लेक्‍खा टोंग'ए मन्न ही पादा नू अबड़न खंडा गे उईर ख़च्चरकी र'ई। एका मन्न दौ ख़ंजपा मल ख़ंज‍ई अबड़न खंडरकी चिच्‍ची नू सजतार'ओ।

मरकुस 4:18

जोक्‍क आलर अच्‍च-ख़ोप्‍पा नू बिहनी खत्रका ख़ॆख़ेल लेक्‍खा हिकनर। अन्नु हूँ आर धर्मेसी कत्‍थन मेन्नर,

लू‍कस 10:41

लिकिन उर्बस अदिन आनाकिर्ताचस, “अनय मारथा, मारथा, नीन बग्‍गे कत्‍था ही तिहा ती कैरारकी र'अदी।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

यॊहनस 15:2

एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

फिलिप्‍पी 4:6

एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

2 तीमोथियुस 4:10

एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

2 पतरस 1:8

एन्देरगेका इबड़ा उर्मी गुन्न गुट्ठी नू नीम बड़ियर मन्नुम परदनुम क'ओर होले, नम्है उर्बस येसु मसीसिन अख़ना लूर नू नीम परदा गे अरा ख़ंजपा ओन्द्र'आ गे इबड़ा सहाड़ा ननो।

यहूदा 1:12

इबड़ा आलर नीम पत्त'ऊ आलर ख़ॊंड़र'अरकी ओन्ना-मॊख़ना मदी गुट्ठी नू बिगर मईन ती निम्है गने ओन्नर मॊख़नर ती निम्है संगती नू ओक्कनर। ईर समुदर नू मुलख़का चचड़ी लेक्खा नूखरका भयभयान र'अनर। ईर तम्है दौ आबोन लेका बिद्दू हिकनर। ईर बिगर पुंइना बदाली गुट्ठी लेक्खा र'अनर, एकदन ताका उढि'ई हुं'ई। ईर अतख़ा खतरका, बिगर ख़ंजना, केचका, अरा पादा ती चडरका मन्न गुट्ठी लेक्खा र'अनर।