18 जोक्क आलर अच्च-ख़ोप्पा नू बिहनी खत्रका ख़ॆख़ेल लेक्खा हिकनर। अन्नु हूँ आर धर्मेसी कत्थन मेन्नर,
अरा एकदा अच्च-ख़ोप्पा नू चाँख़्रा, आद ईद हवे, एकासे कत्थन मेन्दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।
लिकिन तम्है जिया नू गड्डी गूटी कत्था मल खुपना चड्डे आर जुक्किम उल्ला गे कत्थन पत्त'अनर। अरा सस्ती महले कत्थन पत्त'अना ही चड्डे आर मइय्याँ सतारना बरना बेड़ा आर कत्था ती पत्त'अनन लॆम अम्बनर।
लिकिन आर उरुब मना गे अरा बग्गे खुर्जी ख़क्खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्थन मॊधर'आ गे ननी। औंगे धर्मेस आरिन एन्देर नन्ना र'ई एन्ने बेद्ददस अदिन आर मल नन्नर।
जोक्को बिहनी अच्च-ख़ोप्पा मझी नू खत्तरा, बिहनी परदिया अरा अच्च-ख़ोप्पा हूँ परदिया, ख़ने अदन अरबिया चिच्चा, अरा आद ख़ंज'आ पोल्ला।
जोक्क आलर बिहनी खत्रका अच्च-ख़ोप्पा ख़ॆख़ेल लेक्खा हिकनर। आर कत्थन मेन्नर लिकिन आर तंग्है उज्जना नू मुन्द कालो बारी ख़ॆख़ेल ता फिकर अरा खुर्जी अरा मया-मॊह आरिन अरबी ख़ने आर बड़ियर मना पोलनर।