मरकुस 4:15 - पुना गच्छरना NT (BSI)

¹⁵ बिहनी खत्रका डहरे लेक्‍खा जोक्‍क आलर हिकनर। आर कत्‍थन मेन्नर, लिकिन लॆम सैतान बर'अरकी आर ही मेंजका कत्‍थन मॊधर'आ गे ननी।

मरकुस 4:15 ပူးပေါင်းရင်းမြစ်များ

मत्तायोस 13:19

एका ओर्तस मेर्ख़ा राजी ता कत्‍थन मेन्‍दस ती अदिन मल बुझ्रदस, आसी जिया एन्द्रा चाँख़्रकी रहचा अदिन नाद बर'ई ती बच्‍ची हु'ई क'ई, ईद आद दिम हवे एकदा डहरे पिंडी नू चाँख़्रकी रहचा।

मत्तायोस 22:5

लिकिन आर तुस्‍सियर अरा तम्‍है तम्‍है नलख गे केरर। ओर्तोस ख़ल्‍ल गे अरा नन्नस ख़ॆंदा पिटा गे किर्रिम बिच्‍चियर।

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

मरकुस 4:14

चाँख़'उस एन्ने लेक्‍खा आलस र'अदस एका ओर्तस धर्मेसी कत्‍थन मेन्‍त'अदस।

मरकुस 4:16

बिहनी खत्रका पखनोरी ख़ॆख़ेल लेक्‍खा जोक्‍क आलर हिकनर। आर कत्‍थन मेन्नर ती अदिन लॆम खुसमारनुम इंझ्रनर,

मरकुस 4:4

आस तंग्‍है ख़ल्ल नू बिहनी चाँख़'ओ बारी, जोक्को बिहनी डहरे नू खत्तरा, अदन ऒड़ा बरचा ती मोक्‍खा चिच्‍चा।

लू‍कस 8:12

जोक्‍क आलर बिहनी खत्रका डहरे लेक्‍खा हिकनर। आर कत्‍थन मेन्नर लिकिन सैतान बर'अरकी आर ही जिया ती आ कत्‍थन पिसी हु'ई। औंगे आर अदन मल पत्त'ओर ती अम्‍बोर नाड़र'आ।

त‍इरकर 17:32

केचका ही उज्‍जा चो'अना ही पत्त ता कत्‍थन आलर मेंजर ती जोक्‍क आलर अलखा हेलरर। अरा जोक्‍क आलर बाचर, “ई कत्‍था ही पत्त नू ख़ॊख़ा ऎम अउरिम निंग्‍है ती मेनोम।”

त‍इरकर 5:3

तहाँ पतरस बाचस, “हनानिया, सैतान एन्‍देरगे निंग्‍है जिया नू नेम्‍हा बॊलतासिन ठक'आ गे अरा ख़ल्‍ल ही दाम ही ओन हींसन निंगा गे उइय्या गे आकुस नंजा?

2 कोरिन्‍थ 2:11

सैतान नमन अम्‍बो बगड़'आ गे अन्ने नंजकन। एन्‍देरगेका नाम आसी चाल गुट्ठिन बलना लेक्‍खा मल्‍ला।

2 थेस्‍सलोनिकॆयर 2:9

आ नॆग मलकासी बरना बेड़ा नू सैतान तंग्‍है सवंगन अदगे चि'ओ। अत्रु कयनो रकम ही ठकना सवंग अरा चिन्हा दरा अजगुत नलख गुट्ठी एद'ओ।

इब्रानी 12:16

‍अरा नॆ हूँ भड़वा नलख अमा नना, अरा एसावस लेक्‍खा बिगर महबा आल अमा मना, एकास ओंग्‍होन ता मंडी गे तंग्‍है जेट्ठा ही अदिया आबोन बीसियस चिच्‍चस।

इब्रानी 2:1

औंगे नाम एका मानी कत्‍थन मेंजकादत अबड़न नमा बॆस लगे चिहुंक ती नन्ना र'ई। एन्ने अम्‍बन मना का ना‍म अबड़ा मानी ती बेहड़ार'ओत कालोत।

1 पतरस 5:8

चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 20:10

अरा अबड़ा आलारिन ठकचका आ नाद गन्धक लघरना चिच्‍ची ही समुदर नू हेबड़तार'ओस क'ओस, एकइय्या आ मेक्‍खो अरा ठकवा धर्मेसी कत्था तिंगुस र'अनर। अइय्या आर उल्‍ला माख़ा जनमजुग कलपार'ओर।

दहदर मंजका कत्‍था 20:7

ओन हजार बछर मुंज्र'ओ ख़ने, सैतान जेहेल ती बिछिर'ओस चि'ओस।