मरकुस 4:11 - पुना गच्छरना NT (BSI)

¹¹ आस आरिन बाचस, “धर्मेस आलर ही उज्‍जना नू राजी नन्ना ही पत्त नू आलर मुन्‍द मल बुझ्रर। ऎन निमा गे अदन अख़'आ गे अरा बुझुर'आ गे नन्‍दन। लिकिन नॆ तम्है उज्‍जनन धर्मेसिन राजी नना मल चि'अनर आर गे ऎन उर्मी कत्‍थन जोक्‍खा ख़ीरी रूपे लेका ब'अदन।

मरकुस 4:11 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

मत्तायोस 13:16

लिकिन नीम आसीस ख़क्‍खू र'अदर, एन्‍देरगेका नीम एंग्‍है अकबक नलखन ऎरदर। अरा नीम आसीस ख़क्‍खू र'अदर, एन्‍देरगेका निमन अबड़ा ही मनेन बुझ्र'आ गे धर्मेस संगरा नन्‍दस।

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मरकुस 3:23

ख़ने आस अबड़ारिन मीख़ियस ती जोक्‍खा ख़ीरी नू आर ती बाचस, “सैतान सैतानन मलम बोंगत'ओ,

मरकुस 4:10

गोंहड़ा ही असते किर्रिम बिच्चका ख़ॊख़ा येसुस ओर्ते लेका रहचस ख़ने, आसी बारो चेलर अरा आसी गने र'उर हूँ आस ती ई जोक्‍खा ख़ीरी ही पत्त नू मेंजर।

मरकुस 4:2

अरा आस आरिन जोक्‍खा ख़ीरी ती कैनो गोट कत्‍थन सिखाबाचस। अरा तंग्‍है सिखाब'अना नू एन्ने बाचस,

लू‍कस 8:10

आस बाचस, “निमा धर्मेसी राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे जोक्‍खा ख़ीरी ती तेंग्र'ई। ईगेका, नेम्हा पुथी नू एन्ने लिक्‍खरकी र'ई, ‘ऎन नन्‍दन अदिन ऎरदर लिकिन अत्रु ती एन्‍द्रा हूँ मल सिख्र'ओर, ऎन ब'अदन अदिन मेन्‍दर लिकिन अदही माने मल बुझुर'ओर।’

1 कोरिन्‍थ 4:7

एन्‍देरगेका नॆ हूँ निंगन नन्ना पत्त'उर ती कोड़हे मुध आलस एन्ने मल्‍ला कमचका। धर्मेसी नलख नना गे इन्द्रिइम निंग्‍है गुसन र'ई, आद धर्मेस ती बर'ई। औंगे अबड़ा आकुस धर्मेस निंगा गे चिच्‍चस एन्ने नीन मन्‍दय होले, अबड़न ओन्‍टा इनाम रूपे नू ख़क्‍खकय एन्ने मल सोच'अरकी एन्‍देरगे फुलई मन्‍दय?

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

इफेसुस 1:9

आस तंग्‍है चिताबुता ही गम आबोन नमा गे चलख़स। आद आस तंग्है दौ मने ही लेक्खा तान मसीस नू नन्ना चिताबुता रहचा।

कोलोस्से 4:5

नॆ पत्त'ऊ मलनर आर गने लुरगर गने ओक्‍का इज'आ, अरा उर्मी मोका आबोन दौ गने बउर'आ।

1 थेस्‍सलोनिकॆयर 4:12

तहाँ निम्‍है उज्‍जना ती सौंसार ता आलर ती मईन ख़क्‍ख्र'ओ, लिकिन निमा निम्‍है चाड़ गे आरिन असरा नन्‍ना ती उज्‍जना मल्‍ला।

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।