मरकुस 4:10 - पुना गच्छरना NT (BSI)

¹⁰ गोंहड़ा ही असते किर्रिम बिच्चका ख़ॊख़ा येसुस ओर्ते लेका रहचस ख़ने, आसी बारो चेलर अरा आसी गने र'उर हूँ आस ती ई जोक्‍खा ख़ीरी ही पत्त नू मेंजर।

मरकुस 4:10 ပူးပေါင်းရင်းမြစ်များ

मत्तायोस 13:3

अरा आस आरिन जोक्‍खा ख़ीरी गुट्ठी ती कैनों गोट कत्‍थन तिंगियस। अरा एन्ने बाचस, “ओन्‍टा बिहनी चाँख़'उस चाँख़'आ उरखस।

मत्तायोस 13:36

फिन येसुस गोंहड़न अम्बियस ती एड़पा बरचस। अरा आसी चेलर हेद्दे बरचर ती बाचर, “ख़ल्‍ल ता लट्टी ही जोक्‍खा ख़ीरी ही मनेन एमन तेंगा।”

मरकुस 4:11

आस आरिन बाचस, “धर्मेस आलर ही उज्‍जना नू राजी नन्ना ही पत्त नू आलर मुन्‍द मल बुझ्रर। ऎन निमा गे अदन अख़'आ गे अरा बुझुर'आ गे नन्‍दन। लिकिन नॆ तम्है उज्‍जनन धर्मेसिन राजी नना मल चि'अनर आर गे ऎन उर्मी कत्‍थन जोक्‍खा ख़ीरी रूपे लेका ब'अदन।

मरकुस 4:34

अरा बिगर जोक्‍खा ख़ीरी बाचका आस आरिन एन्‍द्रा हूँ मल तिंगियस। लिकिन आस तंग्‍है चेलर गने तामलेका र'ओ बारी आरिन उर्मी जोक्‍खा ख़ीरिन बुझाबाचस।

मरकुस 4:9

ख़नेम येसुस गोंहड़न बाचस, “नॆका मेना गे मने र'ई, आस मेन्दस ती बुझुरदस नेक‍अन।”

मरकुस 7:17

येसुस गोंहड़ा आबोन अम्‍बरकी तंग्‍है डेरा एड़पा केरस, ख़ने आसी चेलर आस ती ई जोक्‍खा ख़ीरी ही पत्त नू मेंजर।