मरकुस 3:9 - पुना गच्छरना NT (BSI)

⁹ येसुस तंग्‍है चेलारिन बाचस, “एंगा गे ओन्‍टा डोंगन सपड़'आ, एन्‍देरगेका बग्‍गे गोंहड़ा ख़ोपरका ही चड्डे आलर एंगन चिप'आ पोल्‍लोर, होले ऎन डोंगा नू ओक्‍का ओंगोन, अरा नॆ पिंडी नू र'अनर अबड़ा आलारिन सिखाब'आ ओंगोन।”

मरकुस 3:9 ပူးပေါင်းရင်းမြစ်များ

मत्तायोस 15:39

तहाँ आस गोंहड़न उड्राचस ती डोंगा नू अर्गियस केरस अरा मगदन चकभार नू बरचस।

मरकुस 4:1

येसुस फिन गलिलेया समुदर ही पिंडी नू सिखाब'आ हेलरस। आसी चरियो तरा कोहाँ गोंहड़ा ख़ॊंड़रा केरा। ख़ने आस समुदर नू इज्जका ओन्‍टा डोंगा नू अरगियस ती उक्‍कियस, इदगे का गोंहड़ा आसिन अम्‍बो थोकबोकामब'आ, अरा आस आरिन ब'आ ओंगोस। उर्मी गोंहड़ा समुदर ही पिंडी नू रहचा।

मरकुस 4:36

औंगे गोंहड़न अम्‍बियर ती आर एका डोंगा नू येसुस रहचस अइय्या अरगियर। अरा नन्ना आलर हूँ आर ही गने नन्ना डोंगा गुट्ठी नू केरर।

मरकुस 5:2

तहाँ आर डोंगा ती इत्तियर, ख़ने ओन्‍टा मलदौ बॊलता धरतारका आलस मरघटी ती उरखरकी येसुसिन भेंटार'आ गे बरचस।

मरकुस 5:30

येसुस लॆम अक्‍खस का तंग्‍है सवंग नॆकअनिम उजगाचा। ख़ने आस ख़ॊख़ा किर्ररकी गोंहड़न थिथवाँ ईरियस ती मेंजस, “एंग्‍है किचरिन नॆ ऎंवसड़ा?”

मरकुस 6:32

ख़ने आर ओन्‍टा डोंगा नू अरगरकी ओन्‍टा उछिन्‍द अड्डा केरर।

लू‍कस 5:1

उन्‍दुल येसुस गेन्नॆसरेत समुदर ही पिंडी नू इज्जकाचस। आ बारी ओन्‍टा गोंहड़ा धर्मेसी कत्‍था मेना गे खतरना चो'अना बेसे आसी हेद्दे बर'आलिया।

लू‍कस 5:3

येसुस अबड़ा डोंगा गुट्ठी ती ओन्‍टा नू अरगियस एकदा सिमॊनसी रहचा। अरा आसिन बाचस का पिंडी ती कटिक गुछा ब'आ। तहाँ येसुस डोंगा नू उक्‍कियस ती आलारिन सिखाब'आ हेलरस।

यॊहनस 6:15

ख़ने येसुस अक्‍खस का ईर बड़पेलहा ती तंगन आर ही बॆल कम'आ गे सपड़ारका र'अनर। ख़ने आस ओर्तेलेका परता नू गुच्‍छरस केरस।