मरकुस 3:8 - पुना गच्छरना NT (BSI)

⁸ अरा येरुसलॆम नगरे ता, अरा यूदेया जिला ही नन्ना नगरे ता, अरा इदुमिया जिला ता, अरा यरदन ख़ाड़ ही पुरुब चक ता, अरा तुरोस अरा सीदॊन नगरे ही चरियो चक ता आलर रहचर। आर आसी नंजका नलखन मेनरकी आस गुसन बरचर।

मरकुस 3:8 ပူးပေါင်းရင်းမြစ်များ

मत्तायोस 11:21

“ओहरे ख़ोराजिन नगरे ता आलारो, ओहरे बॆतसैदा नगरे ता आलारो! एका सवंग ही नलख निम्‍है नू मंजकी र'ई, अबड़ा तुरोस दरा सीदॊन नगरे नू मंजकी रहचा होले, आ उल्‍लम अइय्या ता आलर तमन सन्नी ऎद'आ गे बोरन झपर'अरकी अरा चिन्‍द नू ओक्‍करकी जियन किर्ताचका र'ओर दने।

मत्तायोस 4:25

गलिलेया जिला, देकापोली, येरुसलॆम, यूदेया जिला दरा यरदन ख़ाड़ ही आ पक्‍खे ती बरचका ओन्टा कोहाँ गोंहड़ा येसुसी ख़ॊख़ा गुड़ियारा।

मरकुस 7:24

फिन येसुस असलेक ती उरखरकी तुरोस अरा सीदॊन जिला नू बरचस। आस ओन्‍टा एड़पा नू केरस। आसी मने रहचा का नॆ हूँ आसिन अम्‍बोर अख़'आ, लिकिन आस आलर ती नूख़ुर'आ पोल्‍लस।

मरकुस 7:31

तहाँ येसुस तुरोस चक आबोन अम्‍बरकी सीदॊन केरस। तहाँ आस देकापोली चकभार मन्नुम गलिलेया समुदर तरा कालालियस।

लू‍कस 6:17

तहाँ येसुस तंग्‍है बारा चेलर गने टुंगरी ती इत्तियस ती टोंका अड्डा नू इज्‍जस। आसी चेलर ही ओन्‍टा कोहाँ गोंहड़ा असन रहचा। अरा येरुसलॆम नगरे अरा यूदेया जिला ही नन्ना अड्डा अरा समुदर पिंडी ता नगरे तुरोस अरा सीदॊन ती बरचका ओन्‍टा कोहाँ गोंहड़ा हूँ असन रहचा।