मरकुस 3:3 - पुना गच्छरना NT (BSI)

³ येसुस ख़ैका ख़ेक्खा आलासिन बाचस, “बरा, अरा ओर्मर ही मुन्‍दहारे इज'आ।”

मरकुस 3:3 ပူးပေါင်းရင်းမြစ်များ

मत्तायोस 12:10

अइय्‍या ओन्‍टा आलस रहचस, आसी ख़ेक्खा ख़ैकी रहचा। जोक्को फरिसीर येसुस मइय्‍याँ बदी टिड़'आ गे आसिन मेंजर, “ख़न्न ऎख़ना उल्‍ला नू कोड़े नन्‍ना दौ र'ई का?”

मरकुस 3:2

अरा जोक्को फरिसीर येसुसिन बदी ठेकाब'आ गे जोह'आलियर, औंगे आर आसिन चिहुंक ती ऎरालियर, का ईस ख़ैका ख़ेक्खा आलासिन ख़न्न ऎख़ना उल्‍ला नू कोड़े नन्‍दस का म‍ला।

मरकुस 3:4

तहाँ येसुस अबड़ा फरिसीरिन बाचस, “ख़न्न ऎख़ना उल्‍ला नू मूसासी पॆसका लेक्‍खा एन्‍देर नन्ना बॆस र'ई, दौ नन्ना का मलदौ नन्ना, आलर ही उज्‍जनन बछाब'अना का मद‍इत मल नन्ना ती आलारिन खे'आ चि'अना?” लिकिन आर एन्देर हूँ मल बाचर।

लू‍कस 6:8

लिकिन आस आर ही जिया ता कत्‍थन अख़'आ लगियस। औंगे आस आ ख़ैका ख़ेक्खा आलासिन बाचस, “चो'आ ओर्मर ही मुन्‍दहारे इज'आ।” अरा आस इज्‍जस केरस।

यॊहनस 9:4

उल्‍ला उल्‍लम बारिम नाम एंग्‍है तइय्युसी नलखन नन्‍ना र'ई। माख़ा बर'आ लगी, आ बारी नॆ हूँ एन्‍देर हूँ नना पोल्‍लोर।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

गलातिया 6:9

नाम दौ नलख नना गे अम्‍बोत ख़ड़दन नेकअन। अरा नाम अन्नेम नना गे बड़ियर मन्नुम क'ओत होले, नाम ठौका बेड़ा नू ख़ोयोत।

फिलिप्‍पी 1:14

अरा बग्गे पत्त'ऊ आलर एंग्है हॆंरका ती उर्बस संगरा ननोस ब'अरकी आस नू असरा नंजर ती मुन्द ती कोड़हे डिढ गने बिगर इल्चिक'आ धर्मेसी कत्‍थन मेन्त'आ लगनर।

1 पतरस 4:1

औंगे मसीस नम्है पाप गुट्ठी गे तंग्है कया नू दुक्खे चॊदना ती नीम हूँ ई लेक्खम तम्है कया नू दुक्खे चॊद्दर एन्ने ई सोच आबोन कमहड़ लेक्खा अत्तका ती र'आ। एन्देरगेका एकास कया ती दुक्खे सारस आस पाप ही सवंग ती बच्छरका र'अदस।