मरकुस 3:23 - पुना गच्छरना NT (BSI)

²³ ख़ने आस अबड़ारिन मीख़ियस ती जोक्‍खा ख़ीरी नू आर ती बाचस, “सैतान सैतानन मलम बोंगत'ओ,

मरकुस 3:23 ပူးပေါင်းရင်းမြစ်များ

मत्तायोस 13:3

अरा आस आरिन जोक्‍खा ख़ीरी गुट्ठी ती कैनों गोट कत्‍थन तिंगियस। अरा एन्ने बाचस, “ओन्‍टा बिहनी चाँख़'उस चाँख़'आ उरखस।

मत्तायोस 13:34

इबड़ा उर्मी कत्‍थन येसुस गोंहड़ा गे जोक्‍खा ख़ीरी गुट्ठी ती तिंगियस अरा बिगर जोक्‍खा ख़ीरी ही आस एन्‍देर हूँ मल ब'आ लगियस।

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

मरकुस 12:1

येसुस एन्ने यहूदी मुद्धर गने कछनख्रस ती आस ई जोक्‍खा ख़ीरिन तिंगियस। “ओन्‍टा आलस रहचस। आस ओन्‍टा अंगुर ही बटकी कमचस, अरा चरियो तरा पगड़ हड़चस, अरा अंगुर ती रासी ओथ्र'आ गे चचड़ी नू कुंडा कमचस, अरा ख़ापा गे मचा कमचस, अरा अदिन उर्बर गे ठिका चिच्‍चस, फिन तान ओन्‍टा नन्ना राजी केरस।

मरकुस 3:24

ओन्‍टा राजी तंग्‍है नू लड़ाई ननी होले, आ राजी बड़ियर र'आ पुल्ली।

मरकुस 4:11

आस आरिन बाचस, “धर्मेस आलर ही उज्‍जना नू राजी नन्ना ही पत्त नू आलर मुन्‍द मल बुझ्रर। ऎन निमा गे अदन अख़'आ गे अरा बुझुर'आ गे नन्‍दन। लिकिन नॆ तम्है उज्‍जनन धर्मेसिन राजी नना मल चि'अनर आर गे ऎन उर्मी कत्‍थन जोक्‍खा ख़ीरी रूपे लेका ब'अदन।

मरकुस 4:2

अरा आस आरिन जोक्‍खा ख़ीरी ती कैनो गोट कत्‍थन सिखाबाचस। अरा तंग्‍है सिखाब'अना नू एन्ने बाचस,