मरकुस 3:22 - पुना गच्छरना NT (BSI)

²² येरुसलॆम नगरे ती बरचका जोक्को नॆग सिखाब'उर आलारिन बाचर, “ईस मलदौ बॊलता गुट्ठी ही मुद्धस बॆलजेबूल ती धर्रकादस। ईस अत्रु ती ख़क्ख्रका सवंग ती नाद गुट्ठिन ओथ्रदस।”

मरकुस 3:22 ပူးပေါင်းရင်းမြစ်များ

मत्तायोस 10:25

चेलस गे तंग्‍है गुरुस लेक्‍खा अरा जॊंख़स तंग्‍है उर्बस लेक्‍खा मन्ना दिम कोड़हे र'ई। आर एड़पा उर्बस एंगन बॆलजेबूल बाचकानर होले, आसी एड़पातारिन एन्‍देर मल ब'ओर।

मत्तायोस 11:18

यॊहन नूड़रत'उस गा मल मॊख़नुम अरा अंगुर रासी मल उन्नुम बरचस, लिकिन आर ब'अनर का आसी मइय्याँ नाद लक्‍की र'ई।

मत्तायोस 12:24

लिकिन फरिसीर इदिन मेंजर ती बाचर, “ई आलस गा नाद गुट्ठी ही मुद्धस बॆलजेबूल ती नाद गुट्ठिन ओथ्रदस।”

मत्तायोस 15:1

तहाँ येरुसलॆम नगरे ती जोक्‍क फरिसीर अरा नॆग सिखाब'उर बरचर ती येसुसिन ब'आ हेलरर,

मत्तायोस 9:34

लिकिन फरिसीर बाचर “ईस गा नाद ही मुद्धासी सहाड़ा ती नाद गुट्ठिन ओथ्रदस।”

मरकुस 7:1

उन्‍दुल येरुसलॆम नगरे ती बरचका जोक्को फरिसीर अरा नॆग सिखाब'उर येसुस गुसन ख़ॊंड़रर।

लू‍कस 11:15

लिकिन अबड़ा आलर ती जोक्‍क आलर बाचर, “ईस गा नाद गुट्ठी ही मुद्धस बॆलजेबूल ती नाद गुट्ठिन ओथ्रदस।”

लू‍कस 5:17

उन्‍दुल येसुसी सिखाब'अना बेड़ा फरिसीर अरा नॆग सिखाब'उर असन उक्‍का रहचर। एकाबड़र गलिलेया जिला ही बग्‍गे पद्दा गुट्ठी ती अरा येरुसलॆम ती अरा यूदेया जिला ही नन्ना पद्दा ती बरचका रहचर। अरा कोड़े नना गे धर्मेसी सवंग येसुस गने रहचा।

यॊहनस 10:22

येरुसलॆम नू बेंजना परब मना लगिया। ईद पइय्याँ उल्‍ला रहचा।

यॊहनस 7:20

ख़ने ख़ॊंड़रका आलर आसिन बाचर, “नीन नाद रस्‍का आल हिकदय, ऎम निंगन पिटा मल बेद्ददम।”

यॊहनस 8:48

तहाँ यहूदीर बाचर, “ऎम एन्देर ब'अदम आद मानिम हिके, नीन समारिया ता आलय हिकदय, अरा नीन नाद ती रस्‍का आलय हिकदय।”

यॊहनस 8:52

ख़ने यहूदीर आसिन बाचर, “ऎम अक्‍कुन अक्‍कम का नीन नाद ती रस्‍का आलय हिकदय। अब्राहमस केच्‍चस अरा धर्मेसी कत्‍था तिंगुर हूँ केच्‍चर। लिकिन नीन ब'अदय का ‘नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।’