मरकुस 3:17 - पुना गच्छरना NT (BSI)

¹⁷ अरा जेबदयुसी तंग्‍दस याकॊब अरा याकॊबसी भइय्योस यॊहन, ईर इरबर गे आस बोअनॆरगेस नामे उइय्‍यस, इदही माने “मुर्रुसी ख़द्दर” हवे।

मरकुस 3:17 ပူးပေါင်းရင်းမြစ်များ

मत्तायोस 4:21

असले मुन्‍द केरस ती आस नन्ना ऎंड़ भ‍ईर जेबदयु तंग्‍दस याकॊब अरा आसी भइय्योस यॊहनसिन ईरियस। आर तम्‍बस जेबदयु गने डोंगा नू तम्‍है जल्‍लिन तुन'आ लगियर। येसुस आरिन मीख़ियस।

मरकुस 10:35

ख़ॊख़ा नू जेबदयुसी तंग्‍दाबगर याकॊब अरा यॊहनस आसी गुसन बर'अरकी बाचर, “अना गुरु! एम्‍है मने र'ई का ऎम निंग्‍है गुस‍ते ने'अदम, अदिन नीन एमा गे नना।”

मरकुस 14:33

तहाँ आस पतरस, याकॊब अरा यॊहनसिन तंग्‍है गने होच्‍चस केरस। आस नगदे कलपार'आ अरा खिलपत मना हेलरस।

मरकुस 3:16

आसी चज्जिका बारा गोटंग आलर ईर हिकनर, सिमॊन नॆखय आस पतरस नामे पिंजियस,

मरकुस 3:18

अरा अन्‍द्रेयस अरा फिलिप्‍पोस अरा बरतोलोमैस अरा मत्तायोस अरा तॊमस अरा हल‍फैसी तंग्‍दस याकॊब अरा तद्दैस अरा यहूदीर ही छछिन्‍द सैना ता सिमॊन

मरकुस 5:37

अरा आस पतरस अरा याकॊब अरा याकॊबसी भइय्योस यॊहनसिन अम्‍बर नॆकन हूँ तंग्‍है गने बर'आ मल चिच्‍चस।

मरकुस 9:2

छे उल्‍ला ही ख़ॊख़ा येसुस पतरस अरा याकॊब अरा यॊहनसिन तंग्‍है गने ओन्‍टा मेच्‍छा परता म‍इय्‍याँ होच्‍चस। असन आर तामलेका रहचर, आ बारी आर ही मुन्‍दहारे आसी ऎथ्रना बदलारा केरा।

लू‍कस 9:54

अरा आसी चेलर याकॊब अरा यॊहनस इदिन ईरियर ती बाचर, “अना उर्बायो! नीन बेद्ददय का एलियस नंजस आ लेक्‍खा ऎम पॆस'ओम का मेर्ख़ा ती चिच्‍ची खत्र'ओ ती ई आलारिन बस्‍सो चि'ओ?”

यॊहनस 21:2

सिमॊन पतरस अरा दिदुमोस बारना तॊमस अरा गलिलेया जिला ही काना पद्दा ता नतन‍ऎलस अरा जेबदयुसी दुयो तंग्‍दा बगर अरा येसुसी अउर ऎंड़ चेलर अइय्या जुमुरका रहचर।

त‍इरकर 12:1

आ लगा-लगी नू हॆरॊदॆस अगरिप्पा बॆलस कलीसिया ता जोक्‍क आलारिन खिलपत नना हेलरस।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

दहदर मंजका कत्‍था 10:11

फेन एंगा गे एन्ने बातारा, “नीन अउर हूँ नगदे आल खोंड़हा गुट्ठी, अरा राजी गुट्ठी, अरा भखा गुट्ठी, अरा बॆलर ही पत्त नू धर्मेसी कत्थन मुन्द तेंगना दिम र'ई।”