मरकुस 3:16 - पुना गच्छरना NT (BSI)

¹⁶ आसी चज्जिका बारा गोटंग आलर ईर हिकनर, सिमॊन नॆखय आस पतरस नामे पिंजियस,

मरकुस 3:16 ပူးပေါင်းရင်းမြစ်များ

मरकुस 1:16

उन्‍दुल येसुस गलिलेया समुदर ही पिंडी नू ईकनुम कालियस ख़ने, सिमॊन अरा आसी भइय्योस अन्‍द्रेयसिन ईरियस। आर केवँटर रहचर औंगे आर समुदर नू जल्‍ली इँच'आलियर।

मरकुस 3:15

अरा आर गे नादन आलर ती ओथ्र'आ गे आकुस चि'आ गे चज्‍जियस।

मरकुस 3:17

अरा जेबदयुसी तंग्‍दस याकॊब अरा याकॊबसी भइय्योस यॊहन, ईर इरबर गे आस बोअनॆरगेस नामे उइय्‍यस, इदही माने “मुर्रुसी ख़द्दर” हवे।

लू‍कस 6:13

अरा बिज्‍जिया ख़ने आस तंग्‍है चेलारिन मीख़ियस अरा आर ही ती बारा गोटंग आलारिन चज्‍जियस अरा आर गे तइरकर नामे चिच्‍चस।

यॊहनस 1:42

अरा आस सिमॊनसिन येसुस गुसन होच्‍चस। येसुस आसिन ईरियस ती बाचस, “नीन यॊहनसी तंग्‍दय सिमॊन हिकदय। नीन ‘कॆफास’ बार'ओय।” (कॆफासिन ‘पतरस’ एन्ने हूँ ब'अनर।)

त‍इरकर 1:13

अरा असन आर अंड़सियर ख़ने, ओन्टा पाटन कुठला नू केरर। अइय्यम पतरस अरा यॊहन अरा याकॊब अरा अन्‍द्रेयस अरा फिलिप्‍पोस अरा तॊमस अरा बरतोलोमैस अरा मत्तायोस अरा हलफैसी तंग्‍दस याकॊब अरा यहूदीर ही छछिन्‍द सैना ता सिमॊन अरा याकॊबसी तंग्‍दस यूदस र'आलियर।

1 कोरिन्‍थ 1:12

एंग्‍है ब'अना ईद र'ई का, निम्‍है ती जोक्‍कोर ब'अनर, “ऎन पौलुसी चोख़र'ऊ हिकदन” नन्नर ब'अनर, “ऎन अप्‍पोल्लॊसी चोख़र'ऊ हिकदन” नन्‍नर ब'अनर, “ऎन पतरसी चोख़र'ऊ हिकदन” अरा नन्नर ब'अनर, “ऎन मसीसी चोख़र'ऊ हिकदन।”

1 कोरिन्‍थ 3:22

एकासे का, ऎन पौलुस महले अप्‍पोल्लॊस महले पतरस ऎम ओर्मम निम्‍है दौ गे दिम हिकदम। ई सौंसार महले उज्‍जना महले खे'अना महले ई उल्‍ला महले बरना उल्‍ला अबड़ा उर्मी निम्‍है दौ गे दिम हवे।

1 कोरिन्‍थ 9:5

नन्‍ना तइरकर अरा उर्बासी तंग्ड़िबगर अरा पतरस नन्ना लेक्‍खा एम्‍है गने पत्त'ऊ आलिन बेंज्रका ती हो'अना काना गे एमा गे अदिया मल्‍ला का?

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।