मरकुस 3:11 - पुना गच्छरना NT (BSI)

¹¹ एकाबारी मलदौ बॊलता गुट्ठी ईरिया ख़ने धरचका आलारिन आसी मुन्‍दहारे टिड्डा ती चिच्चि‍यारनुम बाचा, “नीन धर्मेसी ख़द्दय हिकदय।”

मरकुस 3:11 ပူးပေါင်းရင်းမြစ်များ

मत्तायोस 14:33

अदही ख़ॊख़ा डोंगा नू रहचर आर आसिन ओलगर बाचर, “मानिम नीन धर्मेसी ख़द्दय हिकदय।”

मत्तायोस 4:3

आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।”

मत्तायोस 4:6

अरा बाचा, “नीन धर्मेसी ख़द्दय होले नीन डेग'आ चि'आ, नेम्हा पुथी नू गा लिख्रकी र'ई, ‘आस निंग्‍है पत्त नू तंग्‍है पैकारिन आनोस का आर निंगन ख़ापोर अरा आर निंगन ख़ेक्खच ख़ेक्खा चॊद'ओर हो'ओर, होले एन्ने अम्‍बो मना का निंग्‍है ख़ेड्डेन पखना अम्‍बो लग्‍गा।’”

मत्तायोस 8:29

आर चिच्चियारर ती बाचर, “धर्मेसी ख़द्दायो, एम्‍है गने निंग्‍है एन्‍देर नलख? एन्‍देर नीन एमन बेड़ा ती मुन्‍द दुक्‍खे चि'आ बरचकादय।”

मत्तायोस 8:31

अबड़ा नाद गुट्ठी येसुसिन गोह‍रार'आ “एमन ओथ्र'अम लगदय होले, एमन आ किस्‍सी खरखा नू तइय्या।”

मरकुस 1:1

ईद धर्मेसी ख़द्दस येसु मसीसी दौ कत्‍था।

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।

लू‍कस 8:28

आ मलदौ बॊलता गा आ आलासी मइय्याँ घड़ी घड़ी छटियारका रहचा। आलर आसिन सिकड़ी बिड़ी गुट्ठी ती हें'अरकी पहरा नंजकाचर। अन्नु हूँ आस हॆंचकन ख़च्‍चा चि'आ लगियस, अरा नाद आसिन उछिन्‍द अड्डा गुट्ठी नू कुत्त'आ लगिया। आस येसुसिन ईरयस ती चिच्चि‍यारस ती आसी मुन्‍दहारे खत्रस ती जॊरसरिया बाचस, “अना उर्मी ती कोहाँ धर्मेसी ख़द्दायो येसु! एंग्है गने निंगा एन्‍देर नलख? ऎन निंग्‍‍है ती गोहरारदन एंगन दुक्‍खे अमा चि'आ।” एन्‍देरगेका येसुस आ मलदौ बॊलता आबोन आसी मइय्याँ ती उरखा गे पॆसकाचस।

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”

1 कोरिन्‍थ 11:34

नॆका कीड़ा लग्‍गी होले, आस तंग्‍है एड़पा नू ओन्दस नेकअन। औंगे नीम ख़ॊंड़रना बारी दंडे ही जॊगे अम्‍बोर मनोर। अरा नन्ना कत्‍था ही पत्त ता तिगाब'अनन ऎन बरना बारी चि'ओन।

याकॊब 2:19

नीन पत्त'अदय का, ओन्टे लेका धर्मेस र'अदस। आद दौ हिके। नाद गुट्ठी हूँ गा अदिन पत्त'ई, अरा इल्‍ची अरा असरी।