मरकुस 2:5 - पुना गच्छरना NT (BSI)

⁵ येसुस अक्‍खस का ऎन ई लकवा बेमरहासिन कोड़े नना ओंग्दन एन्ने आर पत्त'अनर, अरा आर ही नलखन ईरियस ती लकवा बेमरहासिन बाचस, “अना ख़द्द! ऎन निंग्‍है पाप गुट्ठिन छमा नन्‍दन।”

मरकुस 2:5 ပူးပေါင်းရင်းမြစ်များ

मत्तायोस 9:2

आ बेड़ा नू जोक्‍क आलर ओर्त लकवा बेमरहासिन खटी नू बिड्रका रांगे येसुस गुसन ओन्‍द्रर। आर ही पत्त'अनन ईरयस ती येसुस लकवा बेमरहासिन बाचस, “अना ख़द्द, डिढ नना, निंग्‍है पाप गुट्ठी छमा नन्‍तार'ई।”

मत्तायोस 9:22

येसुस ख़ॊख़ा तरा बिड़द्रस ती अदिन ईरयस ती बाचस, “अनय ख़द्द जिया नू डिढ ननय, नीन एंगन पत्ताचकी, औंगे नीन उजगारदी।” आ बारिम आद कोड़े मंज ख़च्‍चिया।

मत्तायोस 9:5

‘निंग्‍है पाप गुट्ठी छमा नन्‍तार'ई’ एन्ने ब'अना ‘चो'आ अरा कुद्दा ‍नुंगा’ एन्ने ब'अना ती सेब्‍बा हवे। एन्‍देरगेका आलर कोड़े मन्नन ऎरा ओंग्‍नर, लिकिन पाप छमा मन्नन ऎरा पोलनर।

मरकुस 2:6

ख़ने जोक्को यहूदी नॆग सिखाब'उर असन उक्‍का रहचर, अरा आर सोच'आलियर,

मरकुस 5:34

ख़ने आस अदिन बाचस, “ख़द्दे, नीन एंगन पत्ताचकी का ऎन निंगन उजग'आ ओंग्दन, आदिम निंगन उजगाचा, दौ गने किर्रिमबि'अय, अरा नीन ई रोगे ती उजगार'अय।”

लू‍कस 5:20

येसुस आर ही पत्त'अनन ईरयस ती बाचस, “अना आलायो, ऎन निंग्‍है पाप गुट्ठिन छमा नन्‍दन।”

लू‍कस 8:48

येसुस अदिन बाचस, “अना ख़द्दो, नीन एंगन पत्ताचकी औंगेम नीन उजगारकी, कोड़ेम किर्रिम बि'अय।”

यॊहनस 2:25

आस गे चाड़ मल रहचा का नीकईम आसिन आलर ही पत्त नू तेंगोर, एन्‍देरगेका आस तानिम अक्‍खस का आलर ही जिया नू एन्‍देर र'ई।

यॊहनस 5:14

ख़ॊख़ा येसुस आ आलासिन धर्मेसी मन्दिर नू ख़क्‍खियस ती आसिन बाचस, “ऎरा, नीन कोड़े मंजकादय, अउरिम पाप अमके नना। महले इन्द्रिइम कोड़हे खिलपत निंगा मना ओंगी।”

त‍इरकर 11:23

बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

त‍इरकर 14:9

आस पौलुसी ब'अनन मेना लगियस ख़ने, पौलुस आसिन ओन ढिठ ईरियस ती धर्मेस एंगन कोड़े नना ओंग्दस एन्ने आसी पत्त'अनन अक्‍खस।

त‍इरकर 5:31

धर्मेस दिम आसिन उर्बस अरा बछाब'ऊ नंजस ती तंग्‍है तीना चोक्‍ख म‍ईन ही अड्डन चिच्‍चस, एकत्रु का आस इस्राऎल आलर गे जिया किर्त'अना अरा पाप छमा चि'ओस।

1 कोरिन्‍थ 11:30

ई चड्डेम निम्‍है ती कोड़हे आलर पयहा अरा रोगे र'अनर, अरा जोक्‍कोर केच्‍चर हूँ केरर।

2 कोरिन्‍थ 2:10

अक्‍कुन नीम नॆकन इन्द्रिइम छमा नन्‍दर, आसिन ऎन हूँ छमा नन्‍दन। ऎन छमा नना गे इन्द्रिइम र'ई होले, अदिन ऎन निम्‍है चड्डे मसीसी मुन्‍दहारे छमा नंजकादन।

इफेसुस 2:8

मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

कोलोस्से 3:13

अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।

याकॊब 5:15

पत्त'अना गने नन्ना गोहरारना बेमरहा आलासिन कोड़े ननी चि'ई। अरा उर्बस आसिन कोड़े ननोस। अरा आस पाप गुट्ठी नंजकादस होले, अबड़ा आस गे अम्बतार'ओ कालो।