मरकुस 2:25 - पुना गच्छरना NT (BSI)

²⁵ येसुस आरिन बाचस, “नीम मल्‍ला पढ़चका का? इकला दाऊद बॆलस अरा तंग्‍है संगेर कीड़ा रहचर, अरा मंडी ही चाड़ मंजा, ख़ने आस एन्‍देर नंजस?

मरकुस 2:25 ပူးပေါင်းရင်းမြစ်များ

मत्तायोस 19:4

आस आनाकिर्ताचस “एन्‍देर नीम नेम्हा पुथी नू मल्‍ला पढ़चका का? इकला धर्मेस ख़ॆख़लन गढ़चस, आस आरिन मॆत मुक्‍का गढ़चस।”

मत्तायोस 21:16

अरा येसुसिन बाचर, “नीन मेन्दय का ई ख़द्दर एन्‍देर ब'आलनर?” येसुस बाचस, “हाँ, एन्‍देर नीन नेम्हा पुथी नू इकलअम मल्‍ला पढ़चका का: ‘ख़द्दर अरा बॊलॊ ख़द्दर ही बई ती नीन ओहमा ख़क्‍खकय?’”

मत्तायोस 21:42

येसुस आरिन बाचस, “नीम नेम्हा पुथी नू इदन मल्‍ला पढ़चका का? ‘एका पखना आबोन राजमिस्‍त्रीर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा। उर्बस इदन नंजस, अरा नम्‍है ऎरना नू ईद अकबक र'ई।’

मत्तायोस 22:31

लिकिन केचका ती उज्‍जा चो'अना ही पत्त नू एन्‍देर नीम धर्मेसी कत्‍थन मला पढ़चका का धर्मेस मूसस ती एन्‍देर बाचस?

मत्तायोस 4:2

अरा आस चालीस उल्‍ला अरा माख़ा उपास नंजस। इदही ख़ॊख़ा आस गे कीड़ा लग्‍गिया।

मरकुस 12:20

सदुकीर अउरिम एन्ने ब'आलियर, “ओंग्‍होन सात भइय्योर रहचर, कोहँस बेंज्र'अरकी बिगर ख़द्द-ख़र्रा ही केच्‍चस केरस।

मरकुस 12:26

नेम्हा पुथी नू एन्ने लिख्रकी र'ई का इकला धर्मेस मूसस गे लघरना ख़ोप्‍पा नू ऎथ्रस ख़ने आस बाचस, ‘ऎन अब्राहम अरा इसाक अरा याकॊबसी धर्मे हिकदन।’

मरकुस 2:24

इदन ऎररकी जोक्को फरिसीर येसुसिन बाचर, “ऎरा, ईर एन्‍देरगे ख़न्न ऎख़ना उल्‍ला ही नॆग ही बिड़दो नलख नन्नर?”

मरकुस 2:26

अबियातर कोहाँ नैगासी बेड़ा नू दाऊद बॆलस धर्मेसी एड़पा नू कालरकी नैगस धर्मेस गे दाँड़े नंजका असमन मोक्‍खस, एकदन मॊख़ना मूसासी पॆसका नू नैगारिन अम्‍बरकी नॆका हूँ नॆग मल्‍ला। लिकिन दाऊदस मोक्‍खस, अरा तंग्‍है संगेर गे हूँ चिच्‍चस।”

लू‍कस 10:26

येसुस आसिन बाचस, “मूसासी पॆसका नू एन्‍द्रा लिख्रकी र'ई, अन्नु नीन एन्‍देर पढ़दय?”