मरकुस 2:2 - पुना गच्छरना NT (BSI)

² औंगे नगदे बग्‍गे आलर असन ख़ॊंड़रर का एड़पा नू अरा एड़पा ता बली ही बहरी हूँ अड्डा मल रहचा। अरा आस आरिन धर्मेसी कत्‍थन तेंगा लगियस।

मरकुस 2:2 ပူးပေါင်းရင်းမြစ်များ

मत्तायोस 5:2

अरा एन्ने ब'अनुम आरिन सिखाब'आ हेलरस।

मरकुस 1:14

हॆरॊदॆस बॆलस यॊहनसिन जेहेल नू स‍जताचस। अदही ख़ॊख़ा येसुस गलिलेया जिला नू केरस अरा धर्मेसी पत्त नू दौ कत्‍थन मेन्‍त'अना बारी रहचस।

मरकुस 1:33

अरा कफरनहूम नगरे ता बग्‍गे आलर सिमॊनसी एड़पा गुसन ख़ॊंड़रर।

मरकुस 1:37

एकाबारी आर आसिन ख़क्‍खियर ख़ने आसिन बाचर, “एम्‍है गने नगरे नू बरा, एन्‍देरगेका असन नगदे आलर निंगन बेद्दा लगनर।”

मरकुस 1:45

लिकिन आस तंगन येसुस एकासे कोड़े नंजस अदन नगदे आलारिन तेंगा हेलरस। ई चड्डे येसुस आलर ही ऎथ्रना नू एकअम नगरे नू काला पोल्‍लस, एन्‍देरगेका कोहाँ गोंहड़ा ख़ॊंड़रा। औंगे आस नगरे ही बहरी उछिन्‍द अड्डा नू रहचस। अन्नु हूँ ओनबेंड़र'आ ती आलर आसी गुसन बर'आलियर।

मरकुस 2:1

जोक्‍क उल्‍ला ख़ॊख़ा येसुस अरा आसी चेलर कफरनहूम नगरे फिन केरर। आलर मेंजर का आस एड़पा नू र'अदस।

मरकुस 2:13

येसुस फिन कफरनहूम नगरे ती उरखरकी गलिलेया समुदर ही पिंडी नू केरस। अरा कोहाँ गोंहड़ा आसी हेद्दे बरचा, अरा आस आरिन सिखाबाचस।

मरकुस 6:34

येसुस डोंगा ती इत्तियस ख़ने पिंडी नू कोहाँ गोंहड़न ईरियस। आस गे आर ही म‍इय्‍याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा रहचर। ख़ने आस आरिन कैनो गोटंग कत्‍था ही पत्त नू सिखाब'आ हेलरस।

लू‍कस 12:1

आ बारी हजारों आलर ही गोंहड़ा ख़ॊंड़रा केरा। इय्या गूटी गा आलारिन आलर तिरख़ा हेलरर। तहाँ येसुस मुन्‍द तंग्‍है चेलारिन बाचस, “फरिसीर ही उतुरमाड़ना लेक्‍खा अमा र'आ, लिन्‍डका गुन्‍डा नू बिदगी एकासे मेसर'ई अन्ने आर ही मलदौ कत्‍था बीन्‍ड्र'ई।

लू‍कस 5:17

उन्‍दुल येसुसी सिखाब'अना बेड़ा फरिसीर अरा नॆग सिखाब'उर असन उक्‍का रहचर। एकाबड़र गलिलेया जिला ही बग्‍गे पद्दा गुट्ठी ती अरा येरुसलॆम ती अरा यूदेया जिला ही नन्ना पद्दा ती बरचका रहचर। अरा कोड़े नना गे धर्मेसी सवंग येसुस गने रहचा।

लू‍कस 8:1

इदही ख़ॊख़ा येसुस नगरे नगरे अरा पद्दा पद्दा कुद्दनुम धर्मेसी राजी ही दौ कत्‍था मेन्‍त'आनुम कुद्दा लगियस। अरा अबड़ा बारो चेलर आसी गने रहचर।

लू‍कस 8:11

ई जोक्‍खा ख़ीरी ही माने ईद हवे। बिहनी धर्मेसी कत्‍था हवे।

त‍इरकर 11:19

स्‍तेफनोसिन पिटका ही ख़ॊख़ा मंजका कल्‍पारना चड्डे एका एका ओर्तर भगियारका केरका रहचर, आर फोइनिकॆ चकभार अरा कुप्रोस टापू अरा अन्‍तियोख़ेया ‍नगरे गूटी यहूदीर गे लेका दौ कत्‍था तेंगा कुद्दा लगियर।

त‍इरकर 14:25

अरा आर पेरगॆ नगरे नू दौ कत्‍था तिंगियर, अदही ख़ॊख़ा अत्तालेया नगरे केरर।

त‍इरकर 16:6

नेम्‍हा बॊलतस आरिन आसिया नू दौ कत्‍था तेंगा गे छेंकचस ती आर फ्रुगिया अरा गलातिया चकभार नू मन्नुम केरर।

त‍इरकर 8:25

पतरस अरा यॊहनस तम्‍है गोवाह अरा उर्बासी कत्‍थन तिंका ख़ॊख़ा येरुसलॆम किर्रियर। अरा आर येरुसलॆम किर्रो बारी समारिया ही कैनो पद्दा नू दौ कत्‍था तेंगा कुद्दियर।

रोमी 10:8

लिकिन नेम्‍हा पुथी एन्ने ब'ई, “क‍त्‍था निम्‍है हेद्दे र'ई, ब‍ई नू अरा जिया नू र'ई।” ईद पत्त'अना ही कत्‍था हवे, एकदन ऎम तेंगा कुद्दम।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।