मरकुस 2:17 - पुना गच्छरना NT (BSI)

¹⁷ इदन मेनरकी येसुस आरिन बाचस, “कोड़े दौ आलर गे बैधासी चाड़ मल्‍ला, लिकिन बेमरहर गे र'ई, ऎन नॆ तमन उजगो सोचनर आर गे म‍ला नॆ तमन पपहा बुझुरनर आरिन एड़'आ बरचका र'अदन।”

मरकुस 2:17 ပူးပေါင်းရင်းမြစ်များ

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

लू‍कस 15:10

ऎन निमन ब'अदन, एन्नेम ओन्‍टा जियन किर्ताचका आलासी पत्त नू धर्मेसी पैकर ही मुन्‍दहारे रिझी मनी।”

लू‍कस 15:29

लिकिन आस तम्‍बासिन आनाकिर्ताचस, ‘ऎरा, ऎन इवंदा चाँन ती निंग्‍है नलख नन्‍दन अरा इकला हूँ निंग्‍है पॆसकन मल चाड़कन। अन्नु हूँ नीन एंगा गे इकला हूँ ओन्‍टा बोकड़न एंग्‍है संगियर गने रिरयार'आ गे मल चिच्‍कय।

लू‍कस 15:7

ऎन निमन ब'अदन, ई लेक्‍खम जिया किर्त'अना ही चाड़ मलका निनाबे उजगो आलर गे मेर्ख़ा नू ऎ बग्‍गे खुसमारना मनो अदिन ती कोड़हे खुसमारना मेर्ख़ा नू मनो इकला ओन्‍टा पपहा आलस जियन किर्त'अदस।

लू‍कस 16:15

ख़ने आस आरिन बाचस, “नीम आलर ही ऎरना नू गा दौ ऎथ्रदर, लिकिन धर्मेस निम्‍है जिया ता कत्‍थन अख़दस। एकाद आलर ही ऎरना नू कोहाँ र'ई आद धर्मेसी ऎरना नू ख़ाँड़ना र'ई।

लू‍कस 19:10

मनवा ख़द्दन ऎन एबस्रकारिन बेद्दा अरा नाड़ा बरचकादन।”

यॊहनस 9:34

अरा आर आसिन बाचर, “नीन गा कुन्‍द्रका तिम पपहा र'अदय। नीन एमन सिखाब'आ गे चिहुट नन्‍दय का?” अरा आर आसिन गोड़हा एड़पा ती ओथ्रर चिच्‍चर।

यॊहनस 9:40

जोक्‍क फरिसीर आसी गने रहचर, आर इदन मेंजर ती बाचर, “ऎम हूँ अन्धहा र'अदम का?”

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

त‍इरकर 26:20

औंगे मुन्‍द गा ऎन दमसकोस, फिन येरुसलॆम ता र'ऊ आलारिन, अदही ख़ॊख़ा सौंसे यूदेया राजी नू, अरा नन-यहूदीर नू हूँ तेंगा कुद्दकन का आर जियन किर्त'अना र'ई अरा जिया किर्त'अना ही जॊगे नलख नन्‍ना र'ई।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।